LUCKNOW, OCT 5 (UNI):- Prime Minister Narendra Modi addressing at Azadi@75 New Urban India: Transforming Urban Landscape Conference-cum-Expo in Lucknow on Tuesday. UNI PHOTO-1U
New Delhi, K.Lyngkot 27: Ka kynhun Myntri jong ka Sorkar Pdeng ba ialam da u Myntri Rangbah Duh jong ka ri, u Narendra Modi ka la ai jingbit ia ka jingtyrwa jong ka Tnat Telecom (DoT) ban pyniar ia ka Broadband lyngba ki rynsan Wi-Fi hapoh ka jingtreikam katkum ka Prime Minister’s Wi-Fi Access Network Interface (PM-WANI) ha ka 9 tarik u Nohprah 2020.
Ka PM-WANI ka dei na ka bynta ka jingplie lad ia ka jingsuk ban trei ia ki kam khaii bad ban pynshlur ia ki dukanrit bad ki kam ba rit ba kin kylla long sha ka jaka ai Wi-Fi Hotspot lane ki Public Data Office (PDO).
Kum ki PDO, kine ki dukanrit bad ki kam barit ki lah ban ioh jingkamai shuh shuh lyngba ka jingdie ia ka internet khlem da donkam license, ka jingkyntiew kyrteng lane kanokano ka jingsiew ia ka DoT.Ban ai jingbatai shaphang ka PM-WANI, ki jingmyntoi ia ki briew/PDO/PDOA, la pynlong ia ka seminar ha ka 5 tarik u Naiwieng 2021.
Katkum ki jingai jingtip bad ki jingai jingmut ha kane ka seminar bad ban khot shuh shuh ia ka jingiashim bynta jong kito kiba lah ban long ki PDO/PDOA; ka DoT NE LSA ka thmu ban pynlong ia ka jingiakren halor ka PM-WANI lyngba ka bor internet ha ka 22 tarik u Rymphang 2022 ha ka por 11:30 mynstep.
Baroh kito kiba lah ban long ki PDO/PDOA lane ki riew shimet ki lah ban ai jingtip shaphang ka jingkwah jong ki ban iashim bynta ha kane ka rynsan jingiakren ha ka adg.nelsa-dot@gov.in na ka bynta ka jingkyntiew ia ka Broadband lyngba ka PM-WANI. Yn ai ia ka link jong kane ka jingiakren sha kito kiba kwah ban iashim bynta ha ka.
