Shillong, Naiwieng 01: Ka kynhun AdventuRers ha ka sngi Saitjian kala leit ban noh syniang sha ka Sanker Hospital, da ki tiar da khmat bad ia ki dawai kyllan kti kaba la shna da katei ka kynhun.
Kane ka Hospital kaba don ha Mawroh ka dei kaba la seng da u Dr. Sandy Syiem, da ka jingtrei shitom jong u marwei u la lah ban tei ia kane ka jaka ai jingsumar ha ka jaka kaba itynnad kaba dap da ki pung bad ki syntiew ki skud.
Ha katei ka sngi na ka liang jong u Dr wat ha pdeng ka jingbun kam u la lah ban pynlait ia ka por jong u ban batai ia ka jinglong jingman jong kane ka hospital, ia ki dkhot ka kynhun kiba kyntup ia u Ooma. Khalid Khan, Suresh, Susuki Paraiat bad ia u Kailash Verma nongialam kane ka kynhun.
Kum ka kynhun ka ai ka jingiaroh kaba kyrpang ia u Dr Sandy u ba la aiti met bad mynsiem ha kane ka kam kaba u la seng la buh ban iarap ia kiba pang shitom da ka jingphuh samrikhi bad ka kynhun ka shim ba u Dr Sandy u dei shisha uta u nongiakhun pyrshah ia ka khlam COVID-19.
