Shillong, Iaiong 27: Ka seng ki nongshong dukan ha Iewduh ka seng Barabazar Merchants and Shopkeepers Association kila pyntip ba kin ai ka jingkyrshan ia ka Meghalaya Citizen Forum ban khang dukan la shai ka sngi nyngkong ka 28/4/2025 ban pynrem ia ka jingshah siat iap ki riew paidbah ha Pahalgam.
Kane ka long ban pynpaw ia ka jingialang kawei ban pynpaw ia ka jingsngewlem na ka bynta kito ki long iing kiba la shah ktah ha kane ka jingjia kaba sngewsih ha kaba ki riew paidbah kila shah siat ha ki lehnoh ha ka 22/4/2025 ha kaba bun bah kila khlad bad mynsaw.
Ia kane ka jingpyntip na kum ki nongkhaii bad kiba shong dukan ha Iewduh kila shim ia ka rai ban ai ka jingkyrshan ia ka Meghalaya Citizens Forum kaba la khot ban khang dukan lashai ka sngi ban pynrem ia ka jingjia ha Pahalgam.
