Ai jingkyrshan ka JSU iaka jingdawa ka Jaintia Hills Truck Owner Association

Shillong, Risaw 18: Ka JSU sneg kmie mynne ka sngi ka lah shim rai haka jingialang hapoh ka EC ban ai jingkyrshan ia ka Jaintia Hills Truck Owner Association hadien baka association ka lah pynsgew sha ka seng iaka jingeh ba ki kynduh halor ka jingleh bor ki cement factory ban iuh roit iaka khaìì pateng ki trai ri trai muluk.

Ka seng JSU seng kmie ka pynpaw ba kan ai iaka jingkyrshan iaka JHTOA namar hakane ka kynhun JHTOA ki don tang ki trai ri trai muluk bad ka jingleh bor bad iuh roit ki karkhana dewbilat iaki trai kali ka ktah jur iaka khaiì ka pateng namar ki karkhana dewbilat.

Ha kine ki sngi ba lah dep ka dang shu dep ban sei iaki trok la jong ban kit iaki dewbilat ha kylleng ki jaka bad kane ka buh jingeh iaki trai trok jong ki trai ri trai muluk namar ki lah duh kam duh jam bad duh iaka kamai ka jih namar ki trok jong ki lah hap ban shu pynieng thylli.

Ki trai trok bad shibun bah ki ram ki shah ki trai kali jong ki paradoh para snam ki hap ban siew sha bank bad don napdeng jong ki ba ki lah shah patan noh haki bank namar ba ki ym lah ban siew iaka ram.

Kumta ka seng ka shim iaka rai ban ieng skhem haka nongrim ban iarap ban kyrshan iaka jingdawa ka JHTOA ban pynduh shi syndon iaka jingleh bor ki cement factory bad ka seng ka phah iaka khubor kaba shai ba ki cement factory kidei ban burom iaki trai ri trai muluk ym ban thom bor iaka kamai ka kajih jong ki.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet