Shillong, Nailar 31: Ka seng United Hynniewtrep Movement (UHM) mynta ka sngi kala leit ban ai da ka jingthoh sha ka Deputy Commissioner jong ka East Khasi Hills District ka kong Matsiewdor War Nongbri ban pynpaw ia ka jingpyrshah ia ka Vivanta Taj ban wan rah nongbylla na sha bar ka jylla.
Ha ka shithi kaba la ai sha ka DC ka UHM kala pynpaw ba kila ioh jingtip ba ka Vivanta Taj kaba don ha Police Bazar kala buh ia ka apliksohon wan wanrah ia ki nongtrei kiba la tbit na sha bar ka jylla.
Ka jingpyrshah jong ka UHM ka long na ka daw ba kane ka jingkiew jong kiba shitom na ka khlam COVID-19 ha ka jylla ki dang kiew man ka sngi bad ha ka juh ka por ka sorkar jylla kala dep ban pynbna ba ki dei ban thung shuwa ia ki briew jong ka jylla kiba la tbit ha ka kam kiba la wan phai na ka daw jong kane khlam.
Na ka liang jong ka UHM kala kdew ba katkum ka jingpynbna sorkar ka long ba baroh kiba don kam ban thung briew ki hap ban da pynbna ha ki lat pathai khubor iaka jingdon kam nongtrei. Ia kane ka jingthoh la soi da u bah Charlie J. Rani president bad u Bah Teibor Shabong general secretary.
