Ai Khublei ka HFU ia ka KHADC ba pynskhem ia ka rai mana ot kilo iaki marrep ha Iewduh

Shillong, Risaw 30: Ka Hill Farmers Union (HFU) sengkmie ka la ai khublei ia ka Khasi Hill Autonomous District council (KHADC) hapoh ka jingialam jong u bah Pyniaid Singh Syiem, Bah Titos Khain bad u bah Jambor kiba la pynskhem ia ka rai jong u Syiem ka Hima Mylliem ha kaba la mana bad khang ban ot kilo ia ki mar rep kiba leit die ha Iewduh.

Katkum ka kyrwoh khubor ba la phah da u bah Commander Shangpliang President jong ka sengkmie u la ong ba ka seng ka sngewkmen bad ai khublei namar ha ka jingialang hynnin ka sngi ba la khot da u bah Pyniaid ryngkat ki EM la iadon lang  ki nongkhaii, u Syiem bad ki myntri lem bad ki dkhot jong ka Hill Farmers Union la pynskhem ia ka rai ba la pynmih da u Syiem ka Hima Mylliem.

Katkum ka hukum jong u Syiem ka Hima Mylliem ka la kren shai ba ia ki mar rep ba la leit die ha Iewduh dei ban ot tang ia ka kriah, shang, byrni lane plastic, hynrei ym dei ban ot ia ki mar rep bad la ong ruh ba ka Dorbar u Syiem ka Hima mylliem kan pynshistom ia kino kino kiba ialeh pyrshah Ia kane ka hukum bad ia kane la pynskhem da ka District Council.

Kumta halor kane ka seng HFU ka kyntu ia ki nongrep ba kin long tylli kawei ban nym shah ot kilo ia ki mar rep, hynrei lait noh tang ia ka kriah lane byrni shang kiba thep ia ki mar. Ha ka juh ka por ka seng ka kyntu ia ki nongkhaii ba kin ngeit ia kane ka hukum jong u Syiem ka Hima Mylliem bad ba la pynskhem da ka District Council khnang ban lait na ka jingujor sha u Syiem lane ki bor pulit.

U bah Commander Shangpliang u la iathuh ba ha ka jingialang la rai ruh ban ailad ia ki nongrep ba kin die ia ki mar jongki haduh ka por 2 baje janmiet. Halor kane ka ruh ka HFU ka ai khublei ia ka District council bad kumjuh ruh ia u Syiem ka Hima Mylliem.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet