Ai khublei ka seng HITO ia ka DC ka EKH District ba pynmih ia ki jingpynbna ha ka ktien Khasi

Shillong, Jymmang 9: Ka Hynniewtrep Integrated Territorial Organization Seng kmie ka ai khublei iaka ophis treikam ka Deputy Commissioner East Khasi Hills District Shillong ba hadein baka seng kala iohi iaka jingpynbna bala thoh daka ktein khasi kaba pyni iaka jingburom iaka ktein lajong.

Ka seng HITO kala ong ba kane ka dei ka nuksa iakiwei ki District khamtam hapoh ka Bri u Hynniewtrep bad kumjuh ruh iaki arylli ki Autonomous District Council, kane ka jingniewkor bad burom iaka ktein la jong daki bor District kan iarap shibun iaki nongshong shnong ba kin sngewthuh kham shai iakino kino ki jingpynbna ba don kam naka Sorkar.

Kane kan pyni  ruh sha kiwei pat ki jaitbynriew ba ngi don iaka ktein thoh bad pule haka ktein la jong bad kan long ruh kum shi bynta ban pynkyrsiew thiah iaka Sorkar India ba ka por kala ih bha ba kan pynrung noh ia ka ktein khasi haka khyrnit kaba 8 jong ka riti shynshar jong ka Ri.

Haka juh kapor ka seng ka dawa naka Sorkar jylla ba kan pynlong solansar ia baroh ki skul ban donkam iaka jingrwai khasi  ‘Ri khasi Ri khasi’ la kidei ki skul Sorkar ne ki skul kiba pyniaid daki riew shimet kum ka dak ban burom iaka jinglong tynrai.

Ka seng ka kyntu ruh ia ka sorkar jylla ban bud dien ia jingdawa ban pynrung noh ia ka ktien khasi ha ka khyrnit kaba phra, Ka seng ka kyrpad ruh iabaroh ki paradoh parasnam ka Bri u Hynniewtrep ban bud ia kane ka nuksa jong ka Deputy commissioner ka East khasi Hills District.

Ka seng HITO ka kyntu kiba don ha kano kano ka jingtreikam bad ki jaka hikai bapher bapher khnang ba ka ktein lajong kan ieng rasong bad kan long noh ka ktein bala ithuh daka Sorkar India, Kane ka long katkum ka kyrwoh ba la phah da u bah Donbok Dkhar president ka seng HITO seng kmie.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet