Ai ki party na ka sorkar MDA kin rah ia ka mat bym don jingshaniah ka Cong kan kyrshan: Dr Mukul    

Shillong, Nailar 25: U Nongialam jong ka liang pyrshah u Dr. Mukul Sangma u pynpaw ba ki paidbah ki kwah ban ki party kiba don ha kane ka sorkar Meghalaya Democratic Alliance kin rah ia ka mat bym don jingshaniah shuh hapoh iing dorbar thawain ka ban long ha u Nailur bad ka party Congress kan ai jingkyrshan.

U Nongialam ka liang pyrshah u Dr. Mukul u la ong kumtei halor ka jingkylli la kin wan rah ne em ia ka mat ia kren hapoh ka iing dorbar ba kim don shuh ka jingshaniah ia kane ka sorkar kaba la ialam da ka NPP bad ka jubab ka long ba ki paidbah ki kwah ba ki party kiba don ha ka sorar kan wanrah bad ka party congress ki kloi ban ai ka jingkyrshan.

U Bah Himalaya Shangpliang MLA u la iathuh ba mynta ka sngi ka Congress Legislature Party (CLP) kala iashong ban ia kren ia ki mat ia kren kiba ka party kan wan sa wanrah hapoh ka iing dorbar ha kane ka dorbar synrai ban wan.

Ki mat kiba ha khamt kaba kin ia kren kan long halor ka jinghuri hura ba ki pulit ka jylla Assam ki pynthud na ka por sha ka por hapoh jong ki khappud jong ka jylla Meghalaya kumba la jia ha Iongkhuli bad Umlaper.

Ka ain khangbam doh masi kaba la shna na kawei ka jylla hynrei kala ktah ia ka jingkit ia ki Masi kane kala wanrah ia ka jingkiew dor ka doh masi ha kane ka jylla Meghalaya, kum ka party ka kwah ban tip ia kane hapoh ka iing dorbar da kaba kin pan jingshai na ka sorkar.

Ka jingshem jingeh jong ki nongrep ha kane ka ka jylla kaba la ktah ia ka dor ka mur ki marrep kiba la pynmih da ki nongrep kane ka jylla, ka jingbym don ia ki iew dielang ha ki bynta bapher bapher jong ka jylla kala ktah ia ka dor ka mur jong ki jhur.

Ka seng kan wan rah ruh ia ka jingiakren hapoh ka iing sorbar ka jylla halor ka jingpyrshang jong ki katto katne ki bor ban wanrah ia ka jingbym shong suk shong shngian ha kane ka jylla, kum ka pary ka kwah ba ka sorkar kan jubab ia kane.

Ka jingiakren kan long ruh halor ka jinglip light kaba man ka por kaba la ktah ia ki samla pule kane ka jylla, kane kala long ha sor ba dkum juh ha ki nongkyndong, ki samla pule kila shem jingeh ha kane ka online klas, kin ia kren ruh ia ka jingkiew dor ki mar bam kiba man ka por.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet