Shillong, Nailar 10: Mynta ka sngi la khot ia ka jingialang hapdeng ka sorkar bad ka Harijan Panchayat Committee (HPC) ban ia kren halor ka jingpynkynriah ia kiba sah ha Themmetor bad ki la pan por biang na ka sorkar sa khatsan sngi shuwa ban rai ia kaba khatduh bad kane kan long ka jingialang kaba khatduh.
U Symbut myntri rangbah ka jylla ba dei peit ia ki kampynroi sor u bah Sniawbhalang Shar haba kren ha ki lat pathai khubor la ong ba ka jingialang ka long kaba sei soh bad kaba biang bad ka Harijan Committee bad ki don katto katne ki bynta kiba hap ban dang ia pynbeit ka sorkar kala ai por sa khatsan sngi.
Na ka liang jong ka Harijan Panchayat Committee(HPC) ka hap ban ai jubab hapoh kahtsan sngi namar ki dang hap ban ia kren bad ki kynhun kiba kham halor ka SJBC bad kin sa jubab sha ka sorkar jylla la ka long kaba bha ne da kumwei pat, hynrei ki don ka jingkyrmen ba ka jubab kaba kin sa ioh kan long kabha, kaei kaba ki kwah ka long bakin ioh ia ka juab hooid ne em.
Kumba ka long ka jingiakren kala long beit bha bad kila sngew kmen ruh, hynrei ki don ki mat kaba ki dang hap ban ia kren ha pdeng jong ki wat la baroh ki jingiakren kila beit kan nym don shuh kano kano ka jingwit, hyrei kila ong ba ki dang iakren hapdeng jong ki bad kin sa jubab sha ka sorkar bad leh se hapoh kitei ki sngi.
Na ka liang ki nongialam ka HPC haba kren ha ki lat pathai khubor la ong ba ki don ki bynta kaba ki dang hap ia kren ha pdeng jong ki bad kila pan por na ka sorkar bad la ai por sa 15 sngi bad kin sa ai ia ka jubab, hynrei kila kyntait ban iathuh kiei kita kiba mat kiba dangsah.
