Shillong, Jylliew 21: Hadien ka jingkut por noh biang ba-ar sngi ban tohkit ia ka Sonam Raguvanshi bad ia u Raj Rajkhowa hapoh Police Custody ban tohkit halor ka jingia sylla ban pyniap ia u Raja Raghuvanshi hajan Weisawdong, Sohra mynta ka sngi ki pulit ka Special Investigation Team kila rah biang ia ki sha Iing kashari.Haba kren bad u Assistant Public Prosecutor u T Chanda, u la ong ba ka iing kashari mynta ka sngi kala ai bor ban set noh ia ki 13 sngi hapoh ka judicial custody.
Shuh shuh u Chanda u la iathuh ba na ka liang jong ki pulit ki khlem pan por shuh ban set biang ia ki ha police custody ban tohkit ia ki.
