Shillong, Nailar 31: Ka iing bishar Chief Judicial Magistrate, Tura mynta ka sngi kala ai ia ka rai ban aiti ia u Bernard N Marak sha ki pulit ba tohkit ia u san sngi lynter ha kaba ia dei bad ka ejahar kaba la ai da ka Meghalaya Chamber of Commerce (MCC).
Kane ka jingkem biang ia u Bernard ka long halor ka jingshah kynnoh ba ka don ka jigndawa pisa na ki dukan hapoh ka sor Tura kaba la wanrah ia ka jingkiew dor ki marbam mardih hapoh ka sor Tura.
Katkum ka jingtip kaba la ai na ki pulit jong ka West Garo Hills District la ong ba ka iing bishar kala shah ia ki pulit ban kem biang ia u Bernard N Marak bad mynta ka sngi la rah sha iing bishar bad ka iing bishar kala aiti san sngi sha ki pulit ban tohkit.
Kane ka jingshah kem u Bernard ha kane ka kynti kaba mynta ka dei ka sien kaba lai, ka jingshah kem kaba nyngkong ka long halor ka jingshah kynnoh ha ki kam pyniaid awria ha ka Edenbari, ka jingshah kem kaba ar halor ka jinglap ia ki tiar siat na Edenbari.
