Shillong, Nohprah 26: Ha ka sngi u blei ki shipai BSF jong ka Meghalaya Frontier ha dien ba kila ioh bam kem ia u wei u khynnah na Bangladesh bala wan rung bakla sha India kila aiti noh sha ki shipai Bangladesh ki BGB.
Ki shipai BSF kiba iaid pahara ha Rongra kila ioh ban kem ia u tei u khynnah u ba dang iaid ha khappud bad la kum rung sha India bad une u khynnah la tip kyrteng kumu Sahid ba dang 15 snem ba dei na Goragaon ka ri Bangladesh.
Na ka liang jong ki shipai BGB kila pynpaw ia ka jingsngewnguh ia ki BSF kiba la aiti ia u khynnah bala kum bakla rung sha India, ki shipai BSF ruh ki sngewthuh ia ka jingbakla jong u tei u khynnah da ka sngewthuh lang la aiti noh ia u khynnah sha ki shipai BGB ka Bangladesh.
Na ka liang jong ki shipai BSF kiba don ha khappud ki long kiba peitngor ban peit ba ki nongkhaii beain ne ki nongleh kam sniew kim dei banioh lat ban rung pathar sha India ne ki nongkhaii beain na India kin iohrung sha Bangladesh.
