Shillong, Nohprah 12: Mynta ka sngi u myntri rangbah ka jylla u Conrad K Sangma u la sam ia ki pata sha ki long iing kiba shong ba sah ha Balsrigittim bad Warimagre ha Williamnagar, ha ka jingiadon lang u Marcuise Marak MLA jong katei ka jaka.
Ha ka jingkren u myntri rangbah ka jylla u la ong ba ki don kumba 1200 ngut ki nongshong shnong kiba shong ha kitei ki ar tylli ki jaka kiba dei ka khyndew sorkar bad kiba la pan pata ban ia pynbeit ia kane ka kam ban kin ioh shong kum ki trai ha katei ka jaka.
La pynkynmaw ba ki nongshong shnong na kitei ki ar tylli ki shnong kila juh pan ia ki kot pata na ka sorkar ia kaba ym shym lah ban leh ha kine ki snem kiba la leit noh, hynrei kane ka sorkar kala shim ia ka rai ban ai pata ia ki nongshong shnong bad da kane ka jingai pat kin ioh ia ki jingdon kam.
U Myntri Rangbah ka jylla u la ai khublei ia u MLA kane ka jaka ba la buid dien ia kane ka kam bad ka sorkar bad ha dien bala ia kren sani ka sorkar kala rai ban ai pata ia kiba shong ha ki jaka sorkar ha Williamnagar bad kum juh ha Tura, da kane ka jingai pata mynta kin ioh ia ki jingmyntoi na ka sorkar.
