Ar met ka khynnah ba sha leh beijot, pynrem jur ka KSU ia u nongleh kam sniew

Shillong, Nailar 7: Ka jingshah thombor iaki khynnah kynthei ha kane ka juk kaba mynta ka dang iai jia na kawei ka por sha kawei pat, ka long kaei kaei kaba kaba pynduh jingkyrmen iaki Khynnah kiba dang dei ban pynlut iaka por haki jingpule bad ban ia kmen para khynnah hynrei ki hap shimti ia ka kyrdan longkmie khlem pat dei por.

Kum kane ka jingjia ka bym lah ban pdiang ha kane ka juk shai kaba mynta ka la jia ia iwei I heprit , katkum ka jingiathuh kiba ha iing kane Khynnah, u wei u briew u ba sah marjan ing bad kane Khynnah ula leh beijot ia ka daka ba byrngem ruh ba kam dei ban iathuh ha ing.

Daka jingtieng kane Khynnah kala shu im kumto khlem don mano mano ba tip bad dei hadien ba kane Khynnah kala ud shitom ba ki doctor kila lap ba ka la armet bad hadien ka jing kylli bniah da kiba ha ing kane Khynnah kala phla iaka ei kaba la jia .

Kiba ha iing kane Khynnah kila ujor daka FIR sha Mairang police station, kila pyntip ruh sha ka shnong bad sha ka Seng KSU. Ki pulit mar ia ioh iaka jingujor kila wan ban kem ia une u briew ban pynlong iaka jingtohkit kaba bniah.

Na ka liang ka seng KSU ka pynrem jur ia une u briew uba la leh ia kane ka kam sniew bad dawa ruh na ki bor jong ka ain ban pynshitom ia u katkum ki kyndon ain. La ong u samla Shanbor Dkhar general secretary KSU Nongkhlaw Circle.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet