Shillong, Nailar 10: Mynta ka sngi ha ka por 1.30 baje ei ei noh sngi kala don ka jingsaw kaba jur ha Iew Shillong ha Laitumkreh bad ha kane ka jingjia ar ngut ki briew kila mynsaw bad ki iit jong ki iing kiba don ha jan katei ka jingjia kila paid.
Na ka liang jong ki pulit kila ong ba kila ioh ia kane ka jingtip ha ka por 1.30 baje noh phai sngi ba kala don ka jingbthei ha Iew Laitumkreh ki pulit kila leit sha katei ka jaka ryngkat ki kynhun peit bniah haba ia dei bad u bom. Ha kane ka jingtohkit la shem ba u ba bthei dei u bom IED.
Ha kane ka jingjia ki la don ar ngut ki briew kiba la mynsaw, ki iit jong ki iing bad ki dukan kiba don ha kane ka jaka kila paid, ki pulit kila register ia ka mukotduma ia kane ka jingjia hapoh Laitumkhrah police Station.
Na ka liang jong ki pulit kila bthah ia baroh ki paidbah nongshong shnong ba la don ba lap ba don kano kano ka jingsong kaba la buh kiba isuba dei ban pyntip sha ki number 0364-2222214 / 2222215 lane ha kano kano ka police station kaba jan eh.
Haba ia dei bad kane ka jingbthei bom mynta ka sngi ha Laitumkhrah u General Secretary ba dei ruh nongai khubor ka seng lehnoh HNLC u bah Sainkupar Nongtraw la kam ba dei ka seng HNLC kaba la leh ia kane ka kam.
