Shillong, Risaw 17: Ka seng KSU Tynrsad kala pyniar ia ka tnad trei kam jong ka seng da kaba buh ia ka shnat hapoh ka shnong Nongthliew-Umthlong. Ka jingpyniar ia kane ka shnat trei kam long ban shakri na ka bynta ka jaidbynriew ban iada na ka jingshah tyllep ha kiwei pat ki jaidbynriew.
Ha kane ka sngi la sakhi da Ka jingiadon lang jong u Samla Biangbor L.Paliar Organising Secretary KSU Sengkmie, U Samla Pynshaborlang Rani Assistant Education Secretary KSU Sengkmie , kum juh ki nongkit kam ka seng na ki unit bapher bapher. Ha kane ka sngi la pyn shngaiñ da ka jing ia don ryngkat lang Ki Nongialam Shnong bad ki riew Rangbah jong ka shnong Nongthliew,Umthlong,Laitartet bad kiwei-kiwei ki shnong ba marjan.
Haka jingkren na U Samla Pynshaiborlang Rani Assistant Education Secretary KSU Sengkmie uba la kyntu jur ba kum ki samla ba dang biang ka por wat ym pyn leh noh ei ban synñiang ia kaba bha tam sha ka shnong ka thaw khnang ba ka pateng kan kynmaw bad pyrto junom .
Ha kane ka jingkren la pyn kynmaw ruh ba Ka Jaitbynriew ba ka dei ka Jaitbynriew ka ba ia leh thma naduh ki por u Syiem Tirot bad u Woh Kiang Nangbah kumta ka shong ha ngi ki khun samla ban dang bteng ia kane ka thma haduh ban da jop. Kiwei kiba la ai jingkren ha kane ka sngi ki long u Samla Shngaiñ Sohkhlet President KSU Upper Shillong Circle,samla Pass Kharngi bad na u Sordar Shnong Laitartet.
Ia ka jingpynskhem ia ki nongkit kam jong ka seng KSU ha katei ka shnong la pynskhem da u samla Biangbor Paliar Organising Secretary KSU Sengkmie. Ha ka jingkren pynskhem ia ki dkhot ka seng u la kyntu ia kane ka Circle ba kan trei shitom ryngkat ka tip briew tip Blei.
‘Ki 40 tylli ki snem kim pat biang satia haka jingshakri haka jaidbynriew, namar shibun ki lyngkha kiba dang donkam ban trei’ ka seng kan nym man shongthiat ban shakri ia ka jaidbyriew wat hapdeng jingeh kiba wan bad wat lada dei ban long langknia kum ki dkhot ka seng, ki long kiba lah kloi ban trei na bynta ka jaidbynriew.
ka Seng ka la bet ia u Symbai ha ka Dew met bad kumta la khmih lynti ba kane ka Circle ba thymmai kan lah ban leh shibun ki kam ba bha da ka jing ia trei ryngkat ryngkat bad ki Nong ialam shnong,ki Seng long kmie bad ki Seng Samla.lah ai kitbok kitrwiang ia kane ka Circle ba thymmai ban kan iai trei shitrhem ha ki sngi ban wan.
Ki nongkit kam jong kane ka shnat KSU, u samla Mining Pathaw u la shah jied kum u president, samla Jopstar Shabong kum u Vice President, General Secretary Rangstar Nongmor, samla Arbor Pathaw assistant secretary, organizing secretary Phyrnailang Kurbah,Finance Secy-Shein Ryntathiang, Education secy-Danial Pathaw, Cultural Secy-Bisstarjune Marbaniang, Sports Secy-Rickshai Kharjana, Publicity Secy-Edmon Shabong.
Ha kane ka jingpynskhem ia ki nongkit kam, la thung ia u Bah Syntrak Ryntathiang kum u nongai buid bad 26 ngut kiwei de ki nongkit kam ka seng.Ia ka jingialang la pyniaid da u Samla Badonbok Malngiang Sport Secretary KSU Mawlai Circle.
