Shillong, Jymmang 10: Ka jingiasiat ha pdeng ki shipai ka Ri India bad ka Pakistan kala dang bteng bad bun ki samla pule kiba pule ha Pynjab bad Haryana kiba dei na ka jylla Meghalaya kila woi poi sha Delhi kumba 70 ngut ei ei.
U myntri rangbah ka jylla lyngba ka Facebook jong u la pyntip ba ia kine ki 70 ngut ki samla pule la pynsah ia ki ha Meghalaya House New Delhi, la ong ba ki dang don ki ban wan phai na kitei ki jylla bad mynta ki dang don ha lynti ban poi ha Delhi.
Kane ka jingwan phai ki samla pule ka long ba ka jinglong jngman kam long kaba shngian ha kine ki sngi namar ka jingiasiat kaba mar kylliang ha pdeng ka India bad ka Pakistan, kumta ki samla pule ba pule ha kitei ki jylla kila wan phai sha Delhi.
