Shillong, Nailar 05: Mynta ka sngi ka party Congress ha kylleng jong ka Ri India kala pynlong ia ka jingiakhih ban pynpaw ia ka jingpyrshah ia ka jingkiewdor halor ka jingkiew dor jong ki marbam mardih bad ka jingkiew dor jong ka Gas, ha Meghalaya ruh kila pynlong ia kane ka jingiakhih.
U General Secretary ka seng ki samla congress jong ka sor Shillong u bah Anish syiem la pynkynmaw ba ha ka por ba synshar ka party congress ka Gas ka long sawspah tyngka bad mynta kala jan poi sha ka khatarspah tyngka.
Ka jingkiew dor kam deit ang ia ka Gas hynrei wat ia ki marbam kum u Khaw, Dai, Shini ia ki ruh la pyngnat hapoh jong ka GST, ki baduk ba rangli shaei kin poi, la ong ba ki jhur ruh mynta kila kiew dor sha ba palat kum juh ka doh, ki ba duk baraitoi kin bam da kaei.
Kum ka party Congress ka pynpaw ia ka jingpyrshah bad ban pynsgew sha ka sorkar ba dei ban pynrkhat lang ia kiba duk ba raitoi, ha ka juh ka por ban pynsngewthuh ia ki paidbah ba kane ka jingpynkiew dor hato kam dei ka jingpynjynjar ia ki paidbah namar ka jingkiew dor.Ka seng Congress ka pynrem ia kane ka jignkiew dor.
Kawei na ki riew kynthei kaba la wan ban ia shim bynta sha kane ka jingiakhih la ong ba lada peit ia ka dor jhur kala kiew sha ba palat hynrei kane kam poi sha ki nongrep namar haba ki leit sha iew sha hat ban siew ban tda ka jignkiew dor ka long la palat, la kyntu ia ki paidbah ba kin ia pyrkhat bha ia kane. Ha kane ka sngi da ki spah ngut ki nongkyrshan ka congress kila wan ban ia shim bynta.
