Shillong, K.Lyngkot 10: Ka Khasi Students’ Union Mawlai Circle lyngba kane ka kyrwoh ka sngewbha ban pyntip shaphi baroh Ki Paid ka Bri U Hynñiewtrep ba haka ba ïadei bad ka Maitshaphrang Khasi League Basketball Tournament, 2022 la pynsangeh shuwa namar ka jingkiew kane ka khlam COVID-19.
Ka seng kala buh ban pynlong ia kane ka jingialehkai ha ka haka 15tarik Kyllalyngkot 2022 la hap ban pynsangeh noh shwa naka daw ka jing kiew sted jong kito kiba ïoh ïa u Khñiang jingpang Coronavirus.
Kumta naka liang ka Jylli kam kwah ban buh ïaki para dkhot, ki nongïalehkai bad ïaki nong kyrshan jong ki kynhun baroh haka jingma na ka jing ïabit na une u Khñiang jingpang ngi la shim ïaka rai ba ïa mynta shipor ngin pynsangeh shwa ïa katei ka Tournament.
Lyngba kane ka kyrwoh ngi kyntu ïa kito ki kynhun kiba ladep siew ïaka bai rung kin sngewbha ban phone ïa kine ki number 9774478073, 6033 112 877 bad 9362702715 khnang ba ngin lah ban pynphai noh shwa ïa ka pisa kaba phi ladep siew na bynta ka bai form bad ka bai rung jong phi na bynta katei ka Tournament.
Na ka liang jogn ka KSU Mawlai Circle ka kitbok kitrwiang ïa baroh ki longïing jong ka Bri U Hynñiewtrep bad ïa baroh kito ki para doh para snam kiba sah shabar na kane ka Ri ka baieid jong ngi ba kin lait na une u Khñiang jingpang ba shyrkhei bad ba kin don hapdeng ka met ka bakoit kakhiah.
Ka seng ka kyntu ban buh haki jingdwai ba u Blei Trai Kynrad najron ha tian un da un ker ïangi bad ba un thang noh da ka ding ïa kane ka khlam khnang ba kan jah duh noh na kane ka snieh pyrthei khnang ba ngin lah ban im suk im palei biang kumba ju long haki sngi ki ïa kiba la leit noh.
