Shillong, Nailar 04: Ka jingkiew palat jong ka bill light kaba la phah da ka MeECL sha ki paidbah nongshong shnong jong ka Ri Bhoi bad kum juh ha ka jylla ki MLA bad MDC jong ka seng Congress na Ri Bhoi District mynta ka sngi kila leit ban ia kynduh ia ka Chief Managing Director (CMD) ka kong A. Nikhla ban ia kren halor ki jingeh kaba ki paidbah ki ia kynduh hapoh ka District bad ka jylla baroh kawei.
Haba kren ha ki lat pathai khubor ha dien ka jingiakynduh ia ka CMD, u bah Mayralborn Syiem MLA jong ka Nongpoh u la ong ba ki ai ka jingkhublei ia ka CMD kaba la ialeh jong ka MeECL ban pynioh bor ding sha baroh ki shnong ha ka jylla bad ban pynthikna ba ki dei ban ioh ia ka bor ding ilektrik.
La iathuh ba ha kane ka jingiakynduh kila ia kren bha ha kaba ia dei bad ka jingkiew ka bailight kaba la kiew sha ba palat bad ka ha kane ka jingiakren la ban jur ba ka MeECL ka dei ban peit ba ka jingshna ia ka bill ba kam dei ban kiew palat ia kaba ki pyndon kam, la ia kren ruh ba ha ki nongkyndong dei ban thung shuh shuh ia ki linemen.
Ha kane ka jingiakren na ka liang jong ka CMD ka kong A. Nikhla kala shah skhor ia ka jingpynsngew ka jong ki ha kane ka jingiakren, haba ia dei bad ka jingkiew ka bai light ka pynsngew na ka liang jong ka CMD kala ong ba ka lah ban don ka jingbakla hangne hangtai bad kan nym don ruh kawei ruh ka corporation kaba biang kan don hi ka jingduna.
Halor ka jingeh kaba ka MeECL ka ia kynduh, kila kyntu ba ka Corporation ka dei ban thung shuh ia ki briew ba kin ia treilang ryngkat ryngkat ba kan don ka jingpynbiang ia ka light ha baroh ki shnong ki thaw, ha ka juh ka por dei ban pynwandur ba kan don ka jingiatreilang naduh ki shnong ki shnat jong ka MeECL ban pynlong kaba iaid ha kaba pynpoi ia ka bor ding eleltrik.
Haba ia dei bad ki bai light ba dang sah la u bah Mayralborn u la ong ba na ka liang jong ka CMD kala pynpaw ba ki don kam ruh ia ka pisa ban pyniaid ia ka Corporation khnang ban lah ban pyniaid ia ka corporation ha ki sngi ban wan ruh. Ha kane ka jingleit ia kynduh la don lang u MLA ka Umroi u Bah George B Lyngdoh, MDC ka Mawhati u bah Charles Marngar bad u MDC ka Nongpoh u Bah Balajied Rani.
