Shillong, Kyllalyngkot 20: Ka Deputy Commissioner jong ka East Khasi Hills District ka kong R.M Kurbah mynta ka sngi ka pynjari ia ka Korphiew kaba khlem buh por ha ka shnong Mawkynrew ha dien ba kala mih ka jingiaklumar ha katei ka shnong.
Ka Deputy Commissioner kala ong ba kala ioh ia ka jingtip kaba kala don ka jingklumar ha ka shnong Mawkynrew kaba hap ha ka jingpeit ka Madanriting ha kaba ka la don ka jingpynjot ia ki jingshna bad ia ki briew ha Ramakrishna Mission School, Mawkynrew.
Kala don ka jingantad ba kane ka jingklumar kan dang iai bteng bad kan pynthud ia ka shong suk shongsain kaba lah ban wanrah ka jingduh ia ki mynsiem briew bad ka jingduh ki jingdon jingem kumba katkum ka bor kaba la pynkup ha ka kyndon 163 jong ka BNSS la pynjari ia ka Korphiew.
Kane ka jingpynjari ia ka Korphiew kaba khlem buh por kan trei kam noh mardor ha katei ka shnong Mawkynrew haduh ban da pynbna da kumwei pat, kane ka Korphiew kan long tang hapoh ka shnong Mawkynrew.