Ba kuman ka sorkar, ki jingiakhih kiba tygneh kin sdang la sngi Nyngkong: Wandonbok

Shillong, Rymphang 05: u bah Wandonbok Jyrwa nongialam jong ka Meghalaya Joint Action Committee on Commercial Vehicles (MJACCV) u la pyntip ba kum ka seng kin dang iaid bteng ia kane ka jingiakhih sangeh kamai namar ka jingkuman jong ka sorkar.

Haba kren ha u SP News Agency, u nongialam jong ka MJACCV, u la ong ba kane ka sorkar kam shym la sngap ia ka jingud jong ki trai kali, ki nongniah kali bad kane ka jingsangeh kamai ka jong ki kala ktah ia ki iew ki hat, ki ophis sorkar, hynrei namar ka jingkuman ka sorkar kim ban se ban dang bteng ia kane ka jingiakhih ka jong ki.

U bah Jyrwa, u la buh ka jingkylli balei ka sorkar lyngba u symbut Myntri Rangbah ka jylla u bah Prestone Tynsong kam lah ban khot ia ka jingiakren, ban shu kyntu lyngba ki lat pathai khubor sangeh ka jingiakhih kane ka kren shai ba ka sorkar kam don kata ka jingkit khlieh ia ka jingeh kiba buh kali kamai ha ka jylla, kaei ka jingeh ia ka sorkar ban khot ia kren.

La iathuh ba kane ka jingsangeh ki kali kamai ban kamai ka long ha baroh kawei ka jylla, Meghalaya, ka jingwan jong ki Suma na Tura sha Shillong ka long ba ki wan ban buh ia ki briew kiba sah kut ha Tura kiba shu leit don kam, ia kum kine la shah ba kin leit phai sha la ki jong ki jaka sah.

Kane ka jingbym khien snep jong ka sorkar, kiba buh kali kamai ka kren shai ba kam salia lada ki paidbah ki ia kynduh ia ka jingeh ha ka leit ka wan, la ka dei ia ki nongleit iew leit hat, ne kiba leit don kam, namar ka jingkuman palat ka sorkar, ka MJACCV kin dang pynjur shuh shuh ia ka jingiakhih naduh sngi nyngkong.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet