Shillong, Risaw 24: U Vice President jong ka seng Hynniewtrep A.chick National Movement(HANM) u Bah Kyllang Thongni u la pynpaw ia ka jingsngewkhia halor ka jingle stieng jong ka sorkar ban bud dien ia ka jingleh jong ki Bengali kiba na sha bar ka jylla, khatam eh kaba la pynmih lyngba ka Twitter Account jong u Lat ba rim ka jylla u Tathagata Roy.
Ka jingthoh jong u Lat barim ka jylla ka long ka jingpynshit bad kynshoit ban wanrah ia ka jingiapher hapdeng ki jaidbynriew , na ka liang jong ka seng HANM ka buh ka jingdawa na ka sorkar ba dei ban bud dien bad kem mardor ia kine ki briew kiba pynshit ban wan rah ia ka jingiapher jaidbynriew.
U Bah Thongni u la ong ba u Vicky Dey u ba sah ha Maharathra, kiba na Kachar bad na Tripura kiba la pyrshang ban mushlai ia ka jingshong suk shongsain ha kane ka jylla ka sorkar ka dei ban bud dien bad kem ia kum kine ki jaidbynriew .
Na ka liang jong ka HANM kan sa leit ia kynduh ia u symbut myntri rangbah ka jylla bad ia u myntri kam poh iing ka jylla ban ia kren ia kane bad ha ka juh ka por ka seng kan pynkhreh ban ujor da ka ejahar pyrshah ia u Lat barim ka jylla u Tathagata Roy, na liang jong ka HANM ka buh ruh ka jingkylli balei kine ki Bengali kiba shah sha bar ki kwah ban mushlia.
Na ka liang jong ka HANM ka kyntu ia ki dkhar kiba shah ha kane ka jylla ba kan nym mih kano kano ka jingeh kala dei ba kin wan sha khmat ban ai ia ka jingkren jong ki ban wanrah ia ka jingshong suk shong sain ha kane ka jylla.
Ha ka juh ka por la kyntu ia ki pulit ba kim dei ban sangeh ia ka jingthohkit halor ka jingjia hapoh Ichamati kaba la wanrah ia ka jingkhlad noh jong u wei rangbah ha katei ka jingjia bad ban dang wat shuh shuh ia ki briew kiba don kti ha kaba shimnoh ia ka jingim jong u wei u rangbah ba na Sohra.
