Shillong, Risaw 23: U Syiem jong ka hima Khyriem u Dr. Balajied Syiem u la hiar da lade sha raid Iapngar ban leit ban pynskhem ia u syiem raid bad ia u Lyngdoh ba pura jong ka raid hynrei ha pdeng ka jingialang la mih ia ka jingklumar ha kaba kum u syiem u kmie jong ka hima la pynsangeh noh ia ka jingpynskhem ia u syiem ka raid.
Ha ka jingialang kaba la long ha ka 22 Risaw 2022 kaba la long ha Madan Liarkhla kala pulom noh ha dien ka jingmih na ka jngbym ia sngewthuh jingmut ha pdeng ki ar tylli ki kur, ka kur Syiem bad ka kur Lyngdoh.
Ban jied ia u syiem raid ki don san tylli ki kur, kine ki san tylli ki kur kila ibit ban jied ia u bah Stin Shadap ban long kum u syiem raid ba thymmai bad u bah Mes Lyngdoh kum u Lyngdoh riad ka raid Iapngar la dei ban pynskhem da u Syiem ka hima Khyriem.
Kane ka jingthmu ban pynskhem ia u Syiem Raid bad ia u Lyngdoh Raid kala pulom noh ha dien ba kala mih ka jingbymiasngewthuh jngmut ha pdeng ka kur Syiem bad ka kur Lyngdoh kaba la mih ka thma ktien kaba jur hynrei ki riew rangbah ka raid kila temnoh ia kane ka jingiakawang ktien.
Haba iohi ia kane ka jingjia ki riew rangbah ka raid bad ki rangbah shnong kila ai jingmut a u Syiem ban pynsangeh shuwa tad haduh ba kine ki ar kur, ka kur Syiem bad kur Lyngdoh kin lah ban ia pynbeit ha pdeng jong ki.
Haba la sngap ia ka jingai jingmut jong ki riew rangbah na ka liang jong u syiem ka Hima Khyriem u la Pa,im Dr. Balajied Syiem u la ai por ia kine ki kur ba kin ia pynbeit ia kane hapoh shisnem, katba ym pat lah ia pynbeit ia ka kam jong ka raid la aiti ha u bah Swell Rymbai u ba dei u basan rangbah ka raid.
