Shillong, K.Lyngkot 03: Mytna ka sngi u mytnri rangbah ka jylla u la pyntip ba mynta ka sngi u la khot ia ka jingialang ban ia kren ha kaba ia dei bad ka koit ka khiah, kumba la iatip ba mytna la don wei u jait COVID-19 thymmai ia kaba la tip kum u Omicron u la saphriang sted bha ha ka Ri baroh kawei kiba dang lait mynta na kane dei sa tang kumna 8 tylli ki jylla.
Kumba ka long mynta ka jylla Meghalaya ka dang lait na kane ka jingpang bad ha North East dei tang ka jylla Manipur kaba la ngat ha kane ka jingpang katba kiwei ki jylla ki dang lait, hynrei ka jingsted jong kane ka jingsaphriang ka long kaei kaei kaba sted haduh katta katta.
Kumba ka long ka jingpoi ki briew sha ki jaka ai jingsumar ka khamduna ban ia nujor bad ka jaid COVID-19 bala tip kum ka Delta, ka jingkhald jong ki briew ruh ka kham duna haba ia nujor, hynrei ka jingiabit na kane ka jingpang Omicron pat ka jylla kaba pur sted bha.
U Mytnri Rangbah ka jylla u la ong ba ka jylla Meghalaya ruh ka dang shu long tang ka por ban shah lynshopha kane ka Omicron, na ka liang jong ka sorkar jylla ha ki ar bynta jong ka jingwan kane ka jingpang kala pynlong ia ka jylla ban pynbit pynbiang ha kiba bun ki lat ki lynti, kaei kaba ka sorkar ka sngew dei ban shim ia ki lat ki lynti ban iada.
Ha kane ka shisnem kaba la leit kala buh shibun ki jingeh, da kaba buh ruh ha khmat ia ka kamai ka jih, ha ka juh ka por ka sorkar kala shim ia ka rai ban buh ia ki kyndon ha kine ki khyndait sngi ki ban sa wan ha ka jylla baroh kawei ka jylla.
Ha ka jingpynbna sorkar yn sa batai bniah ia ki kyndon hynrei u mytnri rangbah u la shu batai lyngkot ia ki katto kane ki bynta, kawei na kita ka long ba ka sorkar kan sa buh hyndon ha ka jingialum paidbah bad ia kane ka jinglum paidbah yn nym shah, hyrei tang katto katne ki bynta yn shah da kaba bun ia ki kyndon kiba pyrkhing bha.
Wat la ka jylla kam pat don wat tang u wei ruh ba shitom na kane ka Omicron, ka long ka lat jingiada da kaba buh ia ki kyndon, ka sorkar kan buh ruh ia ki kyndon ha ka jingialeit ia wan jong ki briew, khatam ia ki kali jong ki riew shimet, ha ki katto katne ki District bad kan don ka jingiapher na kawei ka District sha kaweipat. Haba phai sha Shillong bad ha ki bynta jong ka East Khasi Hills kan don da kawei pat.
Kawei pat ka lat jingiada ne ka kyndon ban rung sha Meghalaya ka long nalor ka jingai tika kaba ar sien don kamr uh ia ka syrnot kaba 72 kynta kaba la test COVID-19, lada yn don yn test ha ka por ba wan rung sha Meghalaya, yn leh ia kane ka long ban iada na kane ka jingpang.
Kiwei pat ki kyndon kiba ka sorkar kan buh kan long ia ka Korphiew kans dang ha ka por 10 baje mynmeit ha nongbah Shillong, Ha kiwei ki District pat ki Deputy Commissioner kin sa pynbna. Ki kyndon kiba ka sorkar kan pynbna kin trei kam naduh ka 5th Kyllalyngkot 2022. Kine ki long ki katto katne, ia kiba bniah ka sorkar kan sa pynmih da ka jingbthoh.
Na ka liang u mytnri rangbah ka jylla u kyntu ia ki paidbah ban ia shnkti lang bad ka sorkar, leh se kan don ka jingthuh bad kin don kiba ong ba balei yn leh kumne haba ym pat don ba shitom, kine ki long ki jingpynkhreh bad ka sorkar kam kwah ban ban long bala pynkhreh lada wan ka jingpang.
