Shillong, Nailar 01: Ki samla pule jong ka North Eastern Hill University hapoh jong ka lama NEHUSU mynta ka sngi kila pynlong ia ka jingiakhih shongkyllain mungor ha phyllaw jong katei ka skul bah ban pyrshah ai ki bor pyniaid namar ba la pynslem ia ka resolt jong ka six semester jong ki samla pule.
U Nongaibuid jong ka NEHUSU u bah Rangdajied Marwein, u la ong ba kum ka seng samla pule kila ia juh ia kren ia kane ka jingeh bad ki bor pyniaid jong kane ka skul bah hynrei kam shym poi shaei shaei dei na kane ka daw ba mynta ka sngi kisa pynlong ia kane ka jingiakhih.
La ong ba bun na ki skul bah jong ka sorkar pdeng kila kut ka jingpynrung ia ki samla pule katba ka NEHU pat kam pat pynbna ia ka resolt haduh mynta, ka NEHU ka lah ban pdiang tang kumba 40 ngut ki samla pule sha ei kiwei kin leit, lada ka long kumne ki hap ban pule sha ki skul bah jong ki riew shimet bad kane kan ktah ia ki long iing baduk.
Lada kane ka jingiakhih mynta ka sngi kam sei soh na ka liang jong ka NEHUSU kam banse ban leit ia kynduh ia u Lat jong ka jylla ban phah ia ka dorkhas sha ka Ministery Human Resource Development ban pyntip ia kaei kaba jia hapoh jong kane ka skul bah.
