Shillong, Jylliew 20: U James K Sangma myntri kam poh iing ka jylla Meghalaya, u la iathuh ba dei na ka jingbun kam u Myntri rangbah ka jylla Assam bad u Myntri rangbah ka jylla Meghalaya ba kim pat lah ban ia kynduh ban ia kren halor ka jingiapynbeit pud hapdeng kine ki ar tylli ki jylla.
U Myntri kam poh iing ha kaba kren ha ki lad pathai khubor mynta ka sngi, u la pynthikna ba ki myntri rangbah jong kine ki ar tylli ki jylla shen kin sa ia kynduh ban ia kren halor ka jingiapynbeit pud hapdeng ka Assam bad Meghalaya.
La iathuh ba la don ka jingiapynbeit ia ka sngi hynrei ha ki sngi ba lait u myntri rangbah ka jylla Assam na ka liang jong u myntri rangbah ka jylla Meghalaya um lait bad haba lait u myntri rangbah ka Meghalaya u Myntri rangbah ka jylla Assam ym lait.
Ka jingpyrshang ban buh ia ka sngi ha kaba baroh ar ngut ki myntri rangbah kin lait lang ka dang iai beteng ba kin ioh buh ia ka sngi ha kaba ki lah ban ia kren halor ka kam pud kam sam hapdeng kine ki ar tylli ki jylla.
Na ka liang jong u myntri kam poh iing u la pynthikna ba baroh ar liang na ka liang jong ki Myntri rangbah ki da kwah ban ia kynduh bad mynta ka long ba kin buh ia ka sngi ba kin ia kynduh.
