Shillong, Naiwieng 10: Ka KSU Balat Border Area Circle ka la leit ban iakynduh ia ka Deputy Commissioner jong ka East Khasi Hills District ka Kong Matsiewdor War halor ka jing pynslem ban pynmih ia ki kyrteng bad halor ka jingbymlah ban pynmih ne pynthymmai iaki nongshong hat bad ki nongthied ha Balat Border haat.
Iaka kynhun jong ka seng la ialam da u President samla Bonsen Snaitang. Na ka liang ka seng ka la pynpaw iaka jingsngew khia halor ka jingud jong ki babun ki paitbah haba ia dei bad ka iew border hat ia ka jingpynslem na ka liang jong ka DC ban pynmih ne pynthymmai ia ki kyrteng jong ki nongdei bad nongthied mynta u snem.
Ka seng ka la ban jur ha khmat ka DC ban tip ia ka daw ba na ka liang ka DC ka pynslem ban pynthymmai ia ki nongdie bad ki nongthied veende. Na ka liang jong ka DC ka la kular ban leh khamkloi ban sa pyllait noh ia ka jing pynthymmai ia ki kyrteng jong ki nongdie bad nongthied hapoh katei ka hat.
Ha kajuh ka por na ka liang ka seng ki iakren shaphang ki doh um doh wah namar don ki ki riew shim kabu ba khwan mntoi shimet ban shoh dawai bad bomb ia ki dohkha. Ka seng ka la ai jingmut ia ka DC ban nym shah shuh ia ki syiem, ki shnong ban aibor ia ki ne kino kino ki briew ban shim wai ne pyniaid iaki wah .
Na ka liang jongi i la kular ban sa shim khia bad leh noh kham kloi bad ban khot ia ki nongialam shnong ne ki syiem ban ia pyrkhat khnang ban pynneh pynsah bad ban nym pyniap pathar iaki dohum dohwah nangne shakhmat. Kane ka long ka kyrwoh na u samla Baniarap Snaitang, Publicity Secretary KSU Balat Border Area Unit.
