Shillong, Nialar 17: U President jong ka party UDP u bah Metbah Lyngdoh haba kren ha ka jingialang ban pdiang burom ia ki ar ngut ki rangbah kiba la wan ban pyniasoh sha ka party, ia u bah Monak Shabong trei ka kotkhubor Rupang bad bah Welbirth Rani President ba rim ka FKJGP la ong ba kum ka jaidbynriew kam lah ban kiew namar ngim lah ban pdiang ia ka jingbakla la jong kloi ban kdew jong ki wei.
Ha kine ki sngi bad ki snem ban kum ka party UDP aiu kan leh na ka bynta ka jaidbynriew Khasi, Jaintia bad Garo, aiu kin leh na ka bynta ka jylla, haba kren kamut ba ki long pyrshah iano iano, ieit ia la ka jong bad burom ia ka jong kiwei. Kaba don kam mynta ka long ba don kam ban ia long kawei.
U President ka UDP u la ong ba wat la ka por kala kham dir bad kala kham snem hynrei dang don ka lat ban ia tylli lada wah ha ka juh ka jingmut ka jingpyrkhat kum ki nongialam jong ka jylla bad ha kane ka jingialang mynta ka sngi ym shym poi pyrkhat ba kin ia poi katne.
La ong ba mynta u snem ka long kaba kham phylla, mynta imat kala sdang ka jingkhih kum ba ka long ha ki kiba mynshuwa bad mynta ka jylla kala dap 50 sngm kaei ka bynta kane ka pateng mynta aiu yn leh hato yn long mo kum kito ki por ba ia leh ban ioh ia ka jylla, kaba sah ka long don kam ia ki nongialam, ha ka UDP la don ki nongialam tang dang don kam shuh. La ong u bah Metbah.
U President ka UDP u la ong ba kum ka party ka jingrung jong u bah Monak Sahbong bad u bah Welbrith Rani ka party ka khmih lynti ba kan don ka jingialang kawei, kano kano ka kynhun lada kam don ka jingiatylli ym lah ban poi sha ka thong bad la ong ba kum ka party kan sa bynshet lam ia ki kam ha ki ban ia tynrong lem ia ki kam ha ka party.
Ha kane ka sngi ki ar ngut ki riew rangbah kiba la pyniasoh sha ka party UDP kila ai jingkren, ha kane ka sngi pdiangburom ia kitei ki riew rangbah ar ngut la don lang u President ka party East Khasi Hills District bah Titosstarwell Chyne, General Secretary ka party u Dr. Jemino Mawthoh bad ki nongkyrshan ki party ban pynphuh ia kane ka sngi.
