Shillong, Nohprah 20: Ban dawa ia ka tulop kaba la sah teng mynta la 32 bnai ki nongtrei ka GHADC kiba dei ha ka Non Gazette Employees Association (NGEA) kin sdang ia ka jingiakhih da kaba shah thngan kaba khlem buh por.
Haba kren ha u SP News Agency u Flaming B Marak Joint secretary ka NGEA la iathuh ba kane ka jingiakhih shah thngan kaba khlem buh por kin sdang ha ka por 10.00 baje mynstep ban dawa na ka sorkar ba ka dei ban leh ei ei ia ka tulop kaba la sah 32 bnai mynta.
La iathuh ba na ka liang u myntri rangbah ka jylla haduh mynta um pat kren ei ei ha kaba ia dei bad kane ka jingiakhih ka jong ki bad ki khmih lynti ba u myntri rangbah ka jylla un tuklar lem ia kane ka jingbun lah siew ka GHADC ia ka tulop ki nongtrei.
La iathuh ba kane ka jingbym ioh ia ka tulop kala pynlong ba bun ki khun jong ki nongtrei hapoh GHADC kila happy ban pep noh ia ki jingpule jong ki la kiba Don ha ki skul ne College, la ong ba kane ka jingiakhih shah thngan ba kin sdang la shai kin bteng haduh ba ka sorkar kan hap leh ei ei na ka bynta jong ki nongtrei ka GHADC.
