Ban ia khun ia ka COVID-19, iarap ki ri ka pyrthei sha India da ki Oxygen Concentrator

Shillong, Jymmang 9: Ka jingwan ka jingiarap ia ka India na kiwei kiwei ki ri bad ka rukom treikam ka ri pyrshah ka khlam bad ka jingpyllait mardor ia ka jingiarap sha ki jylla baf UT lah dep pynpoi haduh 6738 tylli ki Oxygen Concentrator; 3856 tylli ki tyndong Oxygen; 16 tylli ki Oxygen Generation Plant; 4668 tylli ki ventilator ki Bi PAP; kumba 3 Lak tyndong ki dawai Remdesivirr haduh mynta ka sngi 09 Jymmang 2021.

Ha ka jingsngewlem bad ka jingiatrei lang bad ka India, kiwei kiwei ki ri ki la ai jingiarap ban kyrshan ia ki sienjam jong ka ri ha kane ka jingiakhun pyrshah ia ka khlam COVID-19. Ka Sorkar India ka la saindur ia ka rukom treikam kaba shai na ka bynta ka jingsam bad ka jingpynpoi ia baroh ki mar ai jingiarap ba la ioh ha ka ri.

Kane kan iarap ban pynkhlain ia ki jingdon jingem ha ki kam ai jingsumar nongpang ha ki jylla ba ioh ia kine ki jingiarap bad kane kan pynkhlain ruh ia ki kam ha kine ki jylla ban ai jingiarap ia kito kiba ioh jingpang COVID-19 kiba dang shah sumar ha ki hospital bapher bapher.

Ka Sorkar India ka la ioh pdiang ia ki jingai sngewbha ia ki tiar bad ki dawai ban ialeh pyrshah ia ka khlam COVID-19 naduh ka 27 tarik u Iaiong 2021 na ki ri bad ki kynhun bapher bapher.

Haduh mynta la dep sam 6738 tylli ki Oxygen Concentrator; 3856 tylli ki tyndong Oxygen; 16 tylli ki Oxygen Generation Plant; 4668 tylli ki ventilator/Bi PAP; kumba 3 Lak tyndong u dawai Remdesivir naduh ka 27 tarik u Iaiong haduh ka 8 tarik u Jymmang, 2021.

Ki mar ba kham kongsan ba la ioh pdiang ha ka 8 tarik u Iaiong 2021 na Canada, Thailand, Netherland, Austria, Czech Republic, Israel, USA, Japan, Malaysia, US (GILEAD), US (Salesforce) bad ki briew ka India kiba don ha Thailand ki kynthup, Oxygen Concentrator (2404), Remdesivir (25,000), Ventilator (218), Testing Kit (6,92,208).

Ka jingsam bad ka jingpynpoi ia kine ki tiar sha ki jylla bad ki UT ka dei ka kam kaba iaid na ka sngi sha ka sngi. Ia kane ka kam la peit bniah da ka tnat kam pohiing jong ka Sorkar Pdeng.

U Professor Randeep Guleria, Director AIIMS, New Delhi u la ai khublei ia baroh kiba la phah ia kine ki mar ai jingiarap kum ki Ventilator, ki tyndong Oxygen bad ki Oxygen Concentrator ban ialeh pyrshah ia ka jingkiew ki case.  U la ai khublei ruh ia baroh kiba la ai jingiarap ban ialeh pyrshah ia kane ka khlam.

U Dr Arvind Rajwanshi, Director, AIIMS Raebarelli u la kren shaphang ki mar ban ialeh pyrshah ia ka khlam COVID-19 ba la ioh kum ka jingiarap na kiwei kiwei ki ri khnang ban ai jingiarap ia ki nongpang ha AIIMS Raebarelli.

Ki Ventilator ba la ioh na ka Denmark ia kiba la pynkhreh ban pynkit na New Delhi mynta ka sngi ban pyndonkam ha ki jaka ai jingsumar ha Maharashtra.

U Dr S Kalyani, Medical Suprintendant, AIIMS Bibinagar, Telangana u la ai khublei ia ka Sorkar Pdeng bad ka Sorkar Jylla kiba la wanrah mardor ia ka jingiarap sha ka hospital.

Ka hospital ka la ioh pdiang ruh ia ki tyndong Oxygen, ki kor Bi Pap bad kiwei kiwei ki mar ban ai jingsumar ia ki nongpang COVID-19. Ka la kyntu ruh ia ki briew ba kin ym sheptieng bad ba kin bud ia ki kyndon ban tehlakam ia ka khlam COVID-19.

U Prof. Dr Sarman Singh, Dir, AIIMS Bhopal u la ai khublei ia ki khynhun ba la ai jingiarap haduh mynta. Haduh mynta ki la ioh pdiang 80 tylli ki BiPAP ventilator, 80 tylli trolly, 100 tylli ki Oxygen concentrator, 1 lak tylli ki mask bad 5000 tylli ki surgical gown na ki jingiarap ba poi nabar ri kiba la pyllait da ka Sorkar India.

U Prof. CM Singh, AIIMS, Patna u la batai kumno ka jingioh jingiarap nabar ri kan long kaba myntoi bha ha ka jingialeh pyrshah ia ka khlam COVID ha kane ka hospital.

U Dr. Nitin Nagarkar, AIIMS Raipur u la ong ba ka hospital ka la ioh pdiang 50 tylli ki Oxygen Concentrator bad 64 tylli ki Jumbo Oxygen Cylinder bad ba ki la sdang pyndonkam mardor ia kine na ka bynta ki nongpang.

La seng ia kawei ka Coordination Cell ha ka tnat ka koit ka khiah jong ka Sorkar Pdeng ban peit bad sam ia ki jingai jingiarap kum ki mar bad ka pisa ba la ioh nabar ri ban ialeh pyrshah ia ka khlam COVID. Kane ka Cell ka la sdang treikam naduh ka 26 tarik u Iaiong, 2021. La wanrah ia ka Standard Operating Procedure bad la pyntreikam ia kane da ka tnat ka koit ka khiah naduh ka 2 tarik u Jymmang, 2021.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet