Shillong, Nailur 05: Mynta ka sngi ka Lumdiengjri Police Station bad ka shnong Wahthapbroo ha ryngkat ka jingdon lang ki magistrate jong ka East Khasi Hills District la pynkhuid ia ka Motphran naduh HDFC Bank sha Stand Jeep kum shi bynta ban iada na kane ka khlam COVID-19.
Ha kane ka sngi ki pulit jong ka Lumdingjri police Station, ki nongshong shnong jong ka shnong Wahthapbroo hapoh ka jingialam jong u rangbah shnong u bah Job Rymbai, ka president seng long kmie ka Suk Pariat, president seng samla shnong u bah Shemphang Lanong ryngkat kitrai dukan kila ia mih lang ban pynkhuid.
Na ka liang jong ki pulit ka Lumdingjri Police Station la ialam da u Ophisar ba dei peit u Bah E.D Maner ha ryngkat ki briew jong u kila ia mih lang ban ia pynkhuid ia kane ka jaka kaba dei syndah bad ka iew, na ka liang liang ki pulit jong ka Lumdiengjri kila wan rah ruh ia ka kali synreit um ban synreit ia ka nala ban khuid.
Na ka liang jong ka ophis jong ka Deputy Commissioner jong ka East Khasi Hills District la wan da ka kong Bala Rani Magistrate ha kaba kala ia shim bynta lang ha kane ka jingiapynkhuid ia ka Motphran mynta ka sngi.
Kane ka bynta jong ka Motphran ka dei hapoh ka jingpeit jong ka shnong Wahthapbroo ka dei kawei na ki jaka iew kaba bun briew ha ka jingdon lang ki nongdie madan ban iada na kane ka khlam COVID-19 ka Lumdiengjri Police Station bad ka Shnong Wahthapbroo mynta ka sngi kila shim ia kane ka sien jam ban pynkhuid ia ka thain Motphran.
