Shillong, Jymmang 08: Namar ka jinglong jingman ha ka ri, ka don ka jingsuba ba ka lah ban don ka jingwan rungtuh ki riew sniew ne ki lehnoh na Bangladesh bad kiwei kiwei ki riew sniew ban khang lad ia kane u DC ka West Jaintia Hills bad ka DC jong ka East Khasi Hills District kila pynjari iaka Korphiew miet ha khappud bad ka Bangladesh.
Kane ka Korphiew miet kan sdang naduh ka por 8.00 baje mynmiet haduh 6.00 baje mynstep, kane kan korphiew kan treikam 200 meter na khappud bad ka Bangladesh sha poh India ha baroh ar tylli ki District ka West Jaintia Hills bad ka East Khasi Hills District namar kine ki District ki dei ki jaka kiba lait khlem pat ker ksainar shiah.
Kane ka jingpynjari ia ka korphiew miet ka long ban khanglat ia ka jngwan rung ki lehnoh ne ki riew siew kiba thmu ban wan thaw jingklumar hapoh ka District, ha ka jylla bad kum juh ha ka ri. Katkum ka bor kaba la pynkup ha u katkum ka kyndon 163 BNSS la pynjari ia ka korphiew miet 200 meter na khappud sha poh India, da kane la khang ia ki briew kiba mut ban rung beain ha khappud ban rung sha India.
La khang pyrshah ban ialum briew palat ia ka san ngut, la khang pyrshah ban rah tiar siat bad tiar pynmynsaw ha khappud bad ka Bangladesh, la khang pyrshah ia ka jingiakhaii beain kum ki Masi, kha tyrkhong, Biri bad kiwei kiwei.
Kane kan trei kam noh mardor naduh ban pynmih ia ka hukum, la ong u Abhinav Kumar Singh, IAS, District Magistrate, West Jaintia Hills District, Jowai, kum juh ka Deputy Commissioner jong ka East Khasi Hills District ka kong R M Kurbah.
