Shillong, Risaw 26: Mynta ka sngi la rakhe ia ka taiew ban peitngor ha ki ophis sorkar, ha Secretariat ia kane ka jingrakhe la ialam da ka Chief Secretary ka kong R.V Suchiang ha kaba kala lam khmat ban pule ia ka jingshim ia ka kular ha khmat ophis jong ka Secretarait.
Ia kane ka juh ka jingrakhe ka pynlong ha skul bah jong ka sorkar pdeng ha NEHU ha kaba la iashim bynta da ki nonghikai bad kum juh ki nongtrei katei ka skul bah ia ka jingkular la sdang bad ialam ban pule da u Vice-Chancellor, Prof. P.S. Shukla.
Kane ka jingrakhe ia kane ka taiew peitngor ka long ban ia khun pyrshah ia ki kam bamsap bad baroh kin ia treilang ban ia khun pyrshah ia kane ban pynlait na ki kam bamsap, kane ka dei ka kamram jong u wei pa u wei ban long kiba peitngor.
Ka jingbuh ia kane ban rakhe ia kane ka taiew ban peitngor ka long ban hikai ia ki paidbah bad ban pynsngewthuh ia ka jingeh kaba mih na ki kam bamsap kaba ka Ri kan shah ktah ban ia khun pyrshah iakane don kam ban ia treilang da baroh.
