Shillong, Lber 26: U Rev S.Diengan mynta ka sngi u la pyntip ha ka KJP Synod kan pynlong ia ka Gospel Concert ha madan Student Jaiaw bad ia ka jingdia ia ki jingbam ha ka 29/Lber 2025 na ka bynta ban pynmih pisa na ka bynta ki kam iarap.
Haba kren ha ki lat pathai khubor mynta ka sngi ha Shillong Press Club la ong ba ha katei ka sngi ka jingdie ia ki jingbam kan sdang naduh ka por 11 baje mynstep bad ia ka jingiarwai kan sdang ha ka por saw baje jan miet.
Ha kane ka jingiarwai kin don shibun ki nongrwai ba pawnam na kane ka jylla kiba dei ki nongrwai Choir ha ki Synod ha kaba baroh saw tylli ki Synod kin wan ban ia shim bynta ha kane ka konsert kaba la ai kyrteng “ Hosanna Gospel Concert”.
U Pastor Diengngan la ong ba ia ka jingmih kaba mih na kane ka tamasa yn iarap na ka bynta ka skul kaba ka Synod kala seng ha Khadmandu ha ka Ri Nepal, ka Synon kala seng ia ka skul ha katei ka ri naduh u snem 1993.
La kyntu bad kyrpad ia ki paidbah ba kin ia poi ha kane ka sngi, u kongsan ha kane ka sngi un long u Bah Paul Lyngdoh bad u shah khot kyrpang u Bah Renikton Lyngdoh Tongkhar, nalor kine kin don ruh kiba shah khot kyrpang ha kane ka sngi.
