Shillong, Nailar 27: U bah Prestone Tynsong symbut myntri rangbah ka jylla haba jubab ia ka mat ia kren bala wanrah da u bah Sanbor Shullai ha ka Zero Hour halor ka jingsangeh ki kali kitmaw kitshyiap, la ong ba la don ki don ka ain Mines and Mineral (Development and Regulation Act, 1957 jong ka sorkar pdeng.
Ka Meghalaya Minor Minerals Concession Rules, 2016, kaba la pynmih da ka sorkar jylla, kane ka jingpynmih ia kine ki jingpynbna sorkar ka long namar kila don shibun rai jong ki iing bishar.
Ha dien ba la pyntrei kam ia ka MMMCR, 2016 kane ka dei ka phang pdeng ban tih bad ban kit ia ki maw shyiap, haba ia dei bad kane la don ruh ki mukotduma hyrei katkum ka rule 26 jong a MMMCR, 2016 kala kren shai bal ah ban kit tang lada don ia ka shallan ban kit marpoh khyndew.
Ka sorkar kam kwah ban ban dang batai shuh ia kane namar kila don ki rai jong ki iing bishar, ha ka juh ka por la pynmih ia ka jingpynbna na ka Ministry of Environment, Forest and Climate Change jong ka sorkar pdeng.
Kala don ruh ka rai jong ka iing bishar ba ha khliehduh jong ka Ri India, ka sorkar Meghalaya kala pynmih ia ka Meghalaya Mineral (Prevention of Illegal Mining Transportation and Storage) Rules 2022. Kumta ka jingkit ia ki marpoh khyndew don kam ia ki shallan lada pynkhein ia kitei ki kyndon ka long pyrshah ia ka MMDR Act, 1957.
Katkum kitei ki ain bad ki rule, kan nym don kata ka jingpynlait ban tih maw, tih shyiap, katkum ka jingtih u mynba rim hynrei hap ban but ia ki kyndon bad dei ban ioh ia ka laisen tih maw tih shyiap, ka sorkar ka shim ia baroh ki lat ki lynti ban pynsted ban ai ia ka laisen tih maw tih shyiap.
Ka sorkar ka dang pyrkhat ba kumno ban wanrah ia ka “Single Window Agency” ban pynsuk ia ki paidbah ban ioh ia ka laisen, la bthah ia ki briew kiba don ha ophis ba kin iarap len ban pyndap ia ki kot ki sla ban pyniarap ban pynbiang ia ki kot ban ioh laisen, kane ka dei ka jingpynshai kaba ka sorkar ka don ban ong.
