Ban jied ia u nongsam khaw ha shnong Pynursla khot ka SDO ia ka dorbar: Dawanbor

Shillong Naiwieng 07:  Mynta ka sngi u samla Dawanbor Diengdoh la ong ba kila shah kynnoh ba dei ki 19 ngut ki samla kiba pyrshah ia ka dorbar shnong bad kane ka dei ka khubor lamre kaba la pynsaphring ba ki pyrshah ia ka dorbar shnong na ka bynta ban sam khaw rashon.

Haba kren ha ki lat pathai khubor mynta ka sngi ha Shillong Press Club u samla Dawanbor Diengdoh u la ong ba kila shah kynnoh ba ki la don bynta ha ka jingpyrshah khanglad ban sam khaw hapoh kane ka thain ha ki katto katne ki briew jong u rangbah shnong u Modan Sing Kongthah.

U bah Dawanbor, la ong ba u rangbah shnong u bah Modan Sing Kongthah um shym la don ia ka sanad na ka Hima Khyriem bad ka Dorbar jong u Syiem Khyrim kam pat ju ai jingithuh ia u bah Mudon kum u Rangbah Shnong.

U tei u samla u la ong ba ki pynpaw ia ka jingsngewsih namar hapoh shnong Pynursla baroh kawei kila shah kynnoh  kidei  dei kita ki nongpyn sahngeh ia ka jinsgam khaw ha shnong.

Hynrei kumba long ki kyrshan ba dei ban ioh beit ia u nongsam khaw rashon, ka jingkylli ka long ba kumno u rangbah shnong ba khlem don sanad u lah ban pyniaid ia ki kam shnong kamthaw khlem da shah pynkupbor u lah ban shim ia ka jingkit khlieh.

U samla Dawanbor la ong ba kum ki paidbah nongshong shnong Pynursla kin nym pdiang ia ka dorbar ba pynlong u bah Mudon Sing namar u khlem shah pynkupbor da ka sanad na u syiem jong ka hima Khyriem.

Ha ka juh ka por kila pynpaw ia ka jingsngewnguh ia ka SDO jong ka Sohra Civil Sub Division kaba la shim khia ban khot ia ka dorbar ban jied ia u nongsam khaw rashon kum ba kala kular ha ka 4th Naiwieng 2022.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet