Ban jur u Thomas MLA ha ka jingiakynduh lang ka AIPC ban pyneh ia ka ktien la jong

Shillong, Jymmang 30; Ka 2020-21 AIPC Mega Convention ba la pynlong lai sngi lynter naduh ka 26 tarik haduh ka 28 tarik u Jymmang 2022 ha Tura, Meghalaya ka la kut noh ryngkat ka jingïadon lang jong ki dkhot na kylleng ka ri India. Ki don baroh kumba 200 ngut.

U MLA ka North Tura u Thomas A Sangma u la long u Kongsan, bad ka ka  Crisline T Sangma (Retd MCS) kum ka kongsan ba shah khot kyrpang. Kine baroh ar ngut ki la ban jur ïa ka jingdonkam ban pynneh pynsah, ithuh bad burom ïa ka ktien la jong.

La pynlong ïa kane ka prokram da ka All India Poetess Conference ryngkat ka jingïa-snoh kti lang bad ka Garo Deptt, NEHU Tura, A’chik Literature Society bad ka Sahitya Akademi, Delhi.

La pyni la ki sap ki phong tynrai lyngba ka shad ka rwai ha ka Cultural prokram. La pyllait paidbah ruh ïa ka Souvenir jong ka AIPC bad ki kot jong ki nongthoh kynthup jong ka Prof. Streamlet Dkhar.

Ka Prof Streamlet Dkhar kum ka Chairperson bad ka  Minimon Laloo kum ka Vice-President. Kine ar ngut ki la wan rah burom bad kyntiew ïa ka Thoh ka Pule ha ka jylla MEGHALAYA.

U President ba sdang nyngkong ïa kane ka seng AIPC u Dr Lari Azad, u la long u Paia ba skhem triang, u Nongniah ïa ka jhad ba heh ka ba don kumba 10,000 (Shiphew hajar) ngut ki Nongthoh kot bad Myllung Kynthei na kylleng sawdong ka pyrthei.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet