Shillong, Naiwieng 14: katkum ka jingjubab jong u myntri kam pynroi sor u bah Sniawbhlang Dhar ha kaba ia dei bad ka Smart City ia kaba la kylli da ka Dr Mazel Ampareen Lyngdoh kala paw ba ka sorkar pdeng kala pdiang ban ithuh ia ka sor Shillong kum ka ‘Smart City” ha u snem 2018-2019 bad ka jingmang pisa ka long T.1040/- klur tyngka.
Ha kane ka jingpyntrei kam ia ka Smart City, u myntri pynroi sor u la iathuh ba ka don ka bhah ha kaba ka sorkar jylla ruh ka hap ban bei lang ia ka jinglut, na ka T.1040/- klur tyngka ka sorkar jylla ka hap ban bei T.350/- klur tyngka.
Baroh ki skhim kiban pyntreiha kane ka “Smart City” ki don 34 tylli ba kylleng ka sor Shillong, haba ia dei ia ka Tura bad Nongpoh ia kine ym shym la kynthup ha ka Smart City katkum ka Smart City Mission.
Ban pyntrei kam ia kane ka sorkar kala thung ia ka PMC ban pynkhreh ia ka DPR ha u snem 2019, kane kan peit iaka jingtrei na ka bynta ban pynbha ia ka Iew Laitumkrah bad ia ka Polo Commercial Complex, katba ia ki skhim kiba dei na ka AMRUT la thung ia ka Faecal Sludge and Septic Management bad ia ki tender yn sa khot shen.
