Shillong Naitung 03:Ia kynduh ki nonghikai jong ka Skul Mawkhar Presbyterian Secondary School Sohmylleng West Khasi hills Dist mynta ka sngi ka ia u MLA jong ka Mairang Constituency bah Metbah Lyngdoh bad aiti ruh ia ka Memorandum ha ka kamra jong u ha Secretariat. ki nonghikai jong kane ka skul ki la pynsngew ia ka jingeh kiba bun kiba ki nongshnong jong katei ka shnong ki ia kynduh. ka shnong sohmylleng ka jngai kumba 85 km bad ka dei Kadei ruh ka Mission field Jong ka Balang Presbyterian Mawkhar.
Ki nonghikai jong katei ka skul hadien ba ki la hikai ha katei ka jaka naduh u snem 2012 ki la iohi lut ia ka jingeh jong katei ka shnong kaba dang donkam shisha shibun ka jingphai khmat na ka liang jong u MLA bad na ka sorkar ruh kumjuh. ka shnong Sohmylleng ka don haduh 143 tylli ki long ing bad palat 500 ngut ki nongshnong shnong ki don ha ka tei ka shnong . ki briew ha katei ka shnong ki dei kiba im da ka rep ka riang bad bun ruh ki im ha ka jinngduk, tangba kim don lad ban phai shano shano ruh.
Haba jia ka pang ka shitom ki hap ban shu bah ia ki nong pang bad iaid da ka kjat 2 haduh 3 kynta ban poi haduh surok kali . ki mar rep jong ki haba ka hiar palat ka dor ka mur kim lah shuh ban pynpoi sha ki iew ki hat bad shu ieh haduh ba kin da pyut. ka um bam ka um dih kam long kaba tikna ki lynti iaid kjat bad kiwei kiwei .
Kumta kum ki nonghikai jong ka tei skul da ka wei ka sur ki la rai ban pyn sngew ia kine ki jingeh ha u MLA bah Metbah Lyngdoh ban u dei ban phai khmat bad leh ei ei na ka bynta ka tei ka shnong . ki nonghikai haduh mynta ban poi sha skul ki ha iaid da ka kjat kuba 1 kynta haduh shi kynta Shiteng haduh ha skul .Teng teng ha ka miet ka iong kam long kaba suk bad ka ba shngain khamtam ia ki khynthei khynnah namar ka lynti iaid kjat ka dei beit da ka khlaw kynjah .
Na ka liang ka principal jong ka tei ka skul i Miss Grefelyne Kharsyntiew i ban jur bad pynsngew ia u MLA ba u dei ban pynpoi noh da ka surok rong sha katei ka shnong namar kumba ka long mynta katei ka jaka ka dei ka ba la shah inoh bein shisha la bun bun snem .
Tang kiba mad ki sngewthuh ia ka jingeh ong i miss grefelyne kumta tang ban shu hikai ia ki khynnah kam biang haba ngi dang iohi ia shibun ki jingduna ba ka shnong ha nong kyndong ka mad i la ong ruh ba ma ngi ki nonghikai da ka jingtylli ngi sngewthuh bha ba ngi don ka bynta kaba khraw ban kyntiew ia ka pule puthi ha ki skul kiba ngi hikai kiba jngai na ka jaka sor bad ngi dei ruh ban long ki nong peit ngor na ka bynta ban iarap ia ki nongkyndong ha ka roi ka par.
Kane ka dei ka sienjam kaba nyngkong eh ia ngi bad ngin iai budien ia kane haduh ba ka jingthmu kan long kaba jop.Na ka liang u Bah Metbah u la pynpaw ka jingkmeen ba u ioh ban ia kynduh ia kitei ki nonghikai bad khamtam ia ka mynsiem ba ki don ban kyntiew ia ki jaka nongkyndong bad u la kular ban shim khia ia kane ka jingpynsngew jong ki bad ban peit ruh ia ka jingidonkam jong katei ka thain.
