Shillong, Nohprah 03: Ryngkat bad ka pyrthei baroh kawei ka jylla Meghalaya ruh mynta ka sngi kala pynlong ia ka jingrakhe kyrpang na ka bynta kito kiba don ka jignduna ha ki dkhot met, ia kane ka jingleh burom la pynlong ha Yojana Bhavan Auditorium, Main Secretariat, Shillong.
Ka phang pdeng jong ka jingrakhe mynta u snem ka long ban ai bor ia kiba don jingduna ha ki dkhotmet bad ban pynthikna ba baroh ialong mar ryngkat. Ia kane ka jingrakhe la plie da u Additional Chief secretary u Bah Hector Marwein ha ka jingiadon lang u CEO jong ka jylla u Bah FR Kharkongor.
Ha ka jingkren jong u Bah Marwein, u la ong ba ka jingpynlong ia kane ka sngi kaba kyrpang ka long ban hikai bad ban pynshai ia ka hok ka jong ki kaba ki dei ban ioh kumba ba ia iohlang. Don kam ban weng ia ka jingeh ka jong ki ha ka imlang sah lang bad ban pynthikna ba ia ka hok jong ki ym dei ban pynduh. Ha kane ka sngi la pynlait paidbah ruh ia ka Meghalaya Sign Bank App.
Ha kane ka sngi u Bah Marwein u la ong ban niew bein ia kiba don ka jingduna ha ki dkhot met ka dei ka kam sang. La iathuh ba na ka liang jong ka sorkar kala shim bun ki lad ki lynti kumno ban iarap ia ki ha kaba ai kam ai jam ha ki kam sorkar bad ka sorkar mynta kala pynkhreh ban ai ia ka ID Kard khang ban pynsuk ia ki ban ioh ia ki jingiarap na ka sorkar.
Ha ka jingkren jong u bah FR Kharkongor CEO jong ka jylla, u la ong ba na ka liang jong ka tnad ilkeshon kala pynbiang ba kim dei ban duh ia ka hok thep but ka jong ki bad na ka bynta kane ka tnad ilekshon kala leh bun kikam na ka bynt ban pynsuk ia ki. Kane ka Meghalaya Sign Bank App kaba la pynlait paidbah mynta ka sngi kan iarap ia ki ha kiba bun ki liang.
Ka long ruh ka burom ia ka jylla ha kaba u Carmo Noronha Executive Director, Bethany Society u la shah pynkup burom da ar tyli ki “ National Award” na ka bynta ki kam ba ratbah kaba u la trei na ka bynta jong ki ha Montfort Centre na ka bynta ka pule ka puhti.
Ha kane ka sngi la ai khusnam kyrpang ia ka kong Batimon Nongsteng, Special Booth Level Officer na ka bynta kiba don jingduna ha ki dkhot met hapoh jaka thep but ha Massar Polling Station kaba hap hapoh jong ka 27-Pynursla Assembly Constituency.
Ha kane ka sngi Dr Melisa G Wallang la batai bniah halor ka jingmyntoi na ka Meghalaya Sign Bank App, kiwei kiba la ia don lang ha kane ka sngi ki long ka kong C Kharkongor, Commissioner jong ka Persons with Disabilities, Dr. Melisa G Wallang, Associate Professor, NERIE, NCERT, Dr. O Lamare, Project Director bad kiwei kiwei dei kila ia donlang ha kane ka sngi.
