Shillong, Nailar 09: Mynta ka sngi ka jingialang jong ka Kabinet kala shim ia ka rai ban mang pisa T.50 lak ia kawei kawei ka District ban pynbha ia ki police station hapoh ki District katkum ka jingdon kam, la ong u mytnri ka tnad ka koit ka khiah James K Sangma.
Haba kren ha ki lat pathai u myntri ka tnad ka koit ka khiah la ong ba ka sorkar kala thaw ia ka “Infrastructure Renovation Fund” bad yn mang pisa T.50 lak ia man ki District ban pynbha ia ki police station ha kaba Deputy Commissioner long shongknor Superintendent ki pulit dkhot jong ka ommittee bad kin don shuh ruh kid hot.
Kawei ka rai kaba ka jingialang ka Kabinet kala pdiang ka long ban wanrah ia ka jingpynkyllai ka rule ban dei online ia ki Non Judicial Stamps, ia kane baroh shi katta la pyntrei kam tang hapoh jong ka East Khasi Hills hynrei mynta yn sdang ban pyntrei kam noh, ha West Garo Hills, Ri Bhoi bad West Jaintia Hills District ruh kum juh.
Haba ia dei bad ka jingthoh ia ka eksamin thung kam hapoh ki iing bishar ka kabinet kala shim ia ka rai ba ka ktien Khasi bad Garo kan long kiba kongsan eh bad lada kim pass ia ka ktien khasi bad Garo ia kiwei ki subjek kin nym peit shuh, kane ka long kum shibynta ban ialeh ban pynrung ia ka ktien kahasi ha ka khyrngit kaba phra.
Ka kabinet kala rai ruh ban pynheh ia ka song bh pisa jong ka sorkar jylla namar ka sorkar deng lyngba ka tnad pla pisa kala phah da ka jingthoh sha ka sorkar jylla ba ka jylla ka lah ban pynmih pisa shuh da kaba shimr am namar ka sorkar pdeng kala shah ban shimram na ka kaba la mang sad a 0.5 %.
