Shillong, Nailar 05: Kum ka jingkit khlieh ban sumar ia ka Mei mariang ba kan long kaba khuid bad kaba itynnad kawei na ka kynhun Seng Samla ba latip kum ka ASEZ WAO.
Kane ka dei jong ka World Mission Society Church of God mynta ka 5 tarik u Nailar, 2024, ka la pynlong ia ka kam treimon sngewbha kaba 8178 Worldwide Cleanup Campaign Green Earth ban pynkhuid ia ki bynta ka sor Shillong na Khyndailad, GS Road, haduh Motphran.
Ha ba ioh ban ia kren bad u bah Basanki Dkhar u la ong ba ka jingthmu jong ka ASEZ WAO kum ba ia tip ba ha ka ktien nongwei ASEZ ka mut ban pynneh ia ka mariang na duh ka bas dang ha duh ba kut bad ka kyntien WAO ka mut shi iing shi sem. U la ong ruh ba ka jingthmu ka long ban leh bha ia kiwei kum ba ngi ieid ia lade.
U la ong ruh ba ka jingsdang ban pynkhuid mynta ka sngi ka la sdang na duh khyndailad bad pynkut pat ha Motphran. U la ong ruh ba ngi dei ban pynlong ia ka Meghalaya ka ba jyrngam bad ka ba khuid.
Ha katei ka jingtrei mon sngewbha ka ASEZ wao la wan ban iadonlang da u Bah Everson Kharnaior, Supervisor ka Shillong Municipal Board bad ka Kong Sukhi Pariat, President ka Seng Longkmie na Wahthapbru kaba dei ruh ka President ka Mahila Morcha ka Bharatiya Janata Party (BJP) Meghalaya.
