Shillong, Nohprah 22: Ka seng “Hynniewtrep United Awekning Movement” ha kine ki sngi kala pynlong ia ka jing
pynkhuid ia ka wah Sumer kaba don ha Ri Bhoi District kum shibynta ban ialeh ban pynneh pynsah ia ka jingkhuid ka mariang.
Haka jingkren jong u President ka seng u Bah G Kharrswai, u la ong ba ka jingpynjaboh ia ka mariang ha kine ki sngi ka jur eh ki riew shimet khamtam eh ha ki um ki wah khlemd a pyrkhat shuh ia ka jingkhuid jingsuba tang na ka bynta ka jingmyntoi jong ki shimet.
Ka HUAM ka la pynlong ia ka jingpynkhuid ia ka wah sumer kaba long ka wei na ka wah ka ba ki briew ki ju pyndonkam ha ka sum sait , bad mynta kane ka um ka la jaboh palat na ka liang ka seng HUAM hadien ba ka la ioh ia ka jingujor na ki nong shong shnong jong ka shnong sumer , na ka liang ka seng ka la pynbeit ia ka prokram ban pynlong ia katei ka jing pynkhuid ia ka wah sumer.
Ha shwa ban pynkhuid ia katei ka wah ki la pynlong shwa ia ka jingialang ha kaba ia katei ka jingialang la pyniaid da u Bah Johnny F Lakhiat ha ka jingia don lang u president ka seng kmie u bah G. Kharraswai , u rangbah shnong, lem bad ki nong kitkam shnong bad ki paidbah jong ka shnong sumer .
Ha ka jing kren jong u bah kharraswai u la ong ba ka seng ka la ioh ia ka jingujor na ki paidbah ka thaiñ sumer ia ka jingpynjaboh ki briew ia ka wah sumer da ka ba bret ia ki jaboh jabain ha katei ka wah , kumta u la ong ba ka seng ka la shim khia halor kane ka jingujor jong ki nongshong shnong.
U la ong ruh ba bun sien nang tang ban leh khuid ia lade hynrei ngi pyn jaboh pat ia ka wah kaba ai ia ka jing myntoi . Kumjuh ruh na ka liang u bah kharraswai u la bynrap ba kane ka long ka jing sdang kum ka jing rakhe ia ka krismas bad ban pdiang burom ia ka jing wan long briew u khyllung Jisu, bad u snem thymmai ba suk ba kmen .
