Shillong, Nailar 24: Ban pynrem ia ka jingshah siat iap u bah Cheristerfiel Thangkhiew ha ka 13 tarik mynta u bnai ka “Sur ki nong Jaintia” kaba kynthup ia ka seng EJNC,KSU,JSU,FKJGP,JSM,JNC,HANM,HYC, JYF,MPUF,UHM ki ia wer paidbah ia baroh ki nongshong shnong ha poh ka ri lum Jaintia ban mih paidbah ban pynlong iaka jingiaid paidbah kum ka dak jong ka jingpyrshah ia ki bor jong ka ain.
Na ka liang jong ka Sur ki nong Jaintia ki khot sngewbha iabaroh ki nongshong shnong na ka Ri lum Jaintia ba kin wan shim bynta sha ka jingialang paitbah ban pynpaw ia ka jingpynrem jur iaka sorkar halor ka jingshah pyniap dusmon ia u Bah Cheristerfield Thangkiew ha kine ki sngi ba lah dep.
Ka jingialang paitbah ka la khot ban pynlong daka “Ka sur ki nong Jaintia” bad yn pynlong da ka “Black Flag Peace Rally” ban pynrem jur iaka jingleh donbor ka sorkar jylla ban shim noh iaka jingim u Bah Cheristerfied Thangkiew,ban wan rah iaka suk saiñ haka jylla ban pan jingshai na ka sorkar halor kane ka jingshah pyniap haki bor pulit.
Ki sengbhlang kiba don ha kylleng ka ri lum Jaintia ki lah rai da ka jingiaiaid paitbah kaban sdang shuwa ha Khliehriat haba lahrai ban pynlong daka Black Flag Peace Rally ha East Jaintia bad West Jaintia ha kajuh ka sngi kata haka 26/08/2021 haka por 10 baje mynstep. ka ban sdang shwa na East bad pynkut sha West Jaintia ha Lad Kiang Nangbah college. Iaka jingialang la rai ban kham pynslem ha East Jaintia.
Baroh ki kali kiba wan na West bad East Jaintia ryngkat ka jingteh Lama iong kin wan beit ha Madam football jong ka Khliehriat higher second school Khliehriat bad na katei ka jaka ngin sdang iaka Black flag rally da kaba iaid kjat ryngkat ki lama iong haduh u Mot Sahnam u Wohkiang Nangbah uba don ha DC office East Jaintia .
Kumta na ka liang “Ka sur ki nong Jaintia” ki khot sngewbha ia ki nongsynshar shnong ka ri lum Jaintia bad iaki paitbah kiba shong ba sah ha ri lum Jaintia ban iadon lang hakane sngi.
