Shillong, Kyllalyngkot 17: Ban rakhe ia ka “National Road Safety Week” na ka liang jong ki pulit jong ka nongbah Shillong mynta ka sngi kila sdang ia ka jingpynsngewthuh ba don kam ban bud ia ki kyndon pyniaid kali ban lait na ki jingmynsaw da kaba ai tiewkulap ia kiba pynkhien ia ki kyndon niah kali.
U Superintendent ki Police u BD Marak u la ong ba kila ai da ki tiewkulab ia kiba pynkhien ia ki kyndon niah kali mynta ka sngi kane ka long ba kin sa kynmaw ia kaei kaba kila pynkhien ia ka ain bad ban pynkynmaw ia ki ba kin bud ia ka ain.
Ha kane ka sngi la don ruh ka jingialang ha Shillong Law College ban rakhe ia ka “National Road Safety Week” u tei u heh pulit ba dei peit ia ka jingpyniaid kali ha kane ka nongbah Shillong u la ong ba haba niah kali dei ban long kiba adakar ban burom ia ki ain ban lait na ki jingma.
Ha kane ka jingialang la ong ba bun ki briew ki sngew ba kila nang la stad hynrei ban bud ia ki kyndon niah kali pat kim lah ka daw ka long bay m juh don kata ka jinghikai halor ki kyndon niah kali, na ka liang jong ki paidbah ki ialeh ban ai jinghikai bad ban pynsngewthuh.
Ha kane ka sngi la ai jinghikai ruh kumno ban ia rap haba don kano kano ka jingia tyngkhuh kali ia kaba la ai da u nonghikai ka GVK EMRI 108 bah Ifberth Tham, kiwei kiba la kren ha kane ka sngi ki long u GS Massar u ba dei u wei na ki dkhot jong ka College bad ka kong Daiahunlin Mawlong.
