Shillong, Nohprah 16: Ka seng BJP ba dei jong ka Shillong City kan pynlong ia ka jingiaid paidbah da ki bike na madan Iewrynhep sha ophis jong ka party ban pynpaw paidbah ia ki skhim pynroi jong ka ka sorkar pdeng sha Meghalaya.
Ia kane ka jingiaid paidbah ki bike yn khaweh lama da u president ka party u bah Ernest Mawrie bad kiwei ki nongkit kam ka party ki ban ia don lang la shai ka sngi, kane kan sdang ha ka por 9 baje mynstep na katei ka madan bad ban poi sha ophis ka seng ha Bivar Road.
Ka jingthmu jong kane ka jingiaid paidbah da ki bike ka logn ban pynshai sha ki paidbah ia ki kam pynroi kiba ka sorkar pdeng kala phah sha kane ka jylla Meghalaya da ka sorkar pdeng hapoh ka jingialam jong u Narendra Modi.
Ia kane ka jingiaid paidbah jong ki bike la jer kyrteng kum ka “Rally for Development.” Ia kane ka jingiaid paidbah da ki bike la leh shi sngi shuwa ba u myntri rangbah duh ka Ri India un wan sha kane ka nongbah shillong ha kaba un ai ka jingikren paidbah ha madan Polo ha ka step sngi u blei ka 18/12/2022.
