Shillong, Nailar 29: Ban rakhe ia ka jingdap 75 snem jong ka Ri India ki shipai BSF Shillong kin pynlong ia ka jingiaid paidbah ki Bike kiba 30 tylli na Shillong sha nongbah Delhi ia kane yn sa khaweh lama ha ka 1 nailur 2022 na Mawpat.
Haba kren ha ki lat pathai khubor u Inspector General ki shipai BSF ba dei peit ia ka Shillong Frontier la ong ba ha kane ka jingiaid lynti kin ia kynduh ia ki samla pule ha Nongbah jong ka Ri Bhoi District ha kaba kin sa ia kren bad ki khynnah skul katei ka District.
Kane ka jigniaid kine ki 30 tylli ki bike na Shillong sha Delhi lyngba ka sor bah Kolkatta kane kan long hapoh ka jingpeit jong u Director Genenral ki shipai BSF na Delhi, ha kane ka jingiaid lynti kin sangeh ha ki jaka jaka ban ia kren bad ki khynnah skul jong ki jylla kaba ki iaid lyngba.
Kane ka jingpyniaid paidbah ia ki Bike ka long shibynta ban khring ia ki khunsam la jong ka Ri India ba kin rung sha kane ka kam shipai ia da khappud, na kine ki 30 tylli ki bike 15 tylli kidei na ka kynhun Jaanbaaz Motor Cycle Team bad 15 tylli na Seema Bhawani Motor Cycle Team.
Kine ki bike kin iaid lyngba ka Guwahati, Dhubri, Siliguri, Balurghat, Berhampore, Kolkatta, Dhanbad, Aurangabad Prayagraj, Kanpur, Agra ha jylla Assam, West Bengal, Jharkhand, Uttar Pradesh ban poi Delhi. Ia kane ka jigniaid ym peit da ka kaophis jong u HQ Special Director General (EC) BSF, Kolkata ryngkat ki bor pulit.
