Bthah  ka Sorkar pdeng ban tehlakam ia ka jingsaphriang u khniang COVID-19 ha ka ri

New Delhi, Lber 25: Ka jingsaphriang ka COVID-19 ka la ktah ia kiba bun ki ri bad ka World Health Organisation ka la pynbna ba kalong ka jingpang kaba la ktah ia shibun ki ri jong ka pyrthei.

Ka Sorkar India ka la shim bun ki lad jingiada bad ki lad ban lait na ka jingma da kaba sdang ban pyrkhing ia ka leit ka wan shabar ri, ka jingpynmih ia ki jingbthah na ka bynta ki paidbah, ka jingplie ia ki jingdonkam ban pynshong marwei, ka jinglap ia ki briew ba don ia u khniang jingpang bad shibun ki lad bapher bapher ban pyniajngai iwei na iwei.

La pynmih bun ki jingbthah sha ki Jylla bad ki Union Territory (UT) ban shim ia ki lad jingiada ba donkam ban tehlakam ia ka jingsaphriang une u khniang jingpang. Ka Sorkar ka la pynsangeh shipor ki metro bad ki rel kumjuh ruh ki liengsuin ha ka ri.

Ia ka jinglong jingman la iai bteng ban peit bniah ha ka kyrdan jong u Myntri Rangbah duh ka ri. U Myntri Rangbah duh ka ri u la ai jingkren sha ka ri halor ka jingdonkam ki lad jingiada bad u la pynlong ruh ia ka jingialang bad baroh ki Myntri Rangbah lyngba ka video conference.

Da kaba phai sha ka jingshem jong ki ri kiba la lah jop ha ka ban tehlakam ia ka jingsaphriang ka COVID-19 ym kum ki katto katne kiwei pat ha kaba da ki hajar ngut ki briew ki la iap, ki riewshemphang ki la ai jingmut ba ki lad jingiada ba bha ba dei ban shim kalong ka jingiajngai iwei na iwei ban tehlakam ia ka jingsaphriang kane ka jingpang.

Katba ki sienjam ba la shim da ki Sorkar Jylla bad ki Union Territory  ki don ha ka lynti kaba dei, ka jingbym don ka jingryntih ha ka jingshim ia ki lad jingiada kumjuh ruh ha ka jingpyntreikam ia ki, kan ym iadei bad ka jingthmu jong ka jingtehlakam ia ka jingsaphriang.

Haba phai sha kane ka jinglong jingman, ka National Disaster Management Authority (NDMA), ba la pyniaid da u Myntri Rangbah duh ba don burom jong ka ri, Narendra Modi, ha ka jingpyntreikamia ki bor hapoh ka section 6(2)(i) jong ka Disaster Management Act, 2005.

La pynmih ka Hukum kaba ha ka 24 tarik Lber, 2020, kaba bthah ia ki Ministry bad ki  tnad jong ka Sorkar India, bad ki Sorkar Jylla bad  Union Territory bad ki bor ba dei khmih ia ki Jylla bad Union Territory ban shim ia ki sienjam kiba bit ba biang ban iada na ka jingsaphriang ka COVID-19 ha ka ri.

Ha kaba iadei bad katei ka Hukum jong ka NDMA, ka Ministry of Home Affairs (MHA) ka la pynmih ka Hukum kaba ha ka 24 tarik Lber,2020 hapoh ka Section 10(2)(l) jong ka Disaster Management Act, kaba bthah ia ki Ministry bad  Tnad jong ka Sorkar India.

Ki Sorkar Jylla bad Union Territory bad ki bor ba dei khmih ia ka State bad Union Territory ban shim ia ki sienjam ba donkam ban pynthikna ia ka jingiajngai iwei na iwei khnang ban iada ka jingsaphriang u khniang jongpang COVID-19 ha ka ri.

Kane ka hukum kan iai treikam, ha baroh ki bynta jong ka ri, na ka bynta 21 sngi naduh ka 25 tarik Lber, 2020. La bthah ia ki Ministry bad ki Tnad jong ka Sorkar India bad ki Sorkar Jylla bad ki bor pyniaid jong ka Union Territory,ban pynthikna ka jingpyntreikam pura ia kine ki Hukum. Ia ka jingpyntreikam ia kine ki lad jingiada yn peitngor da ka MHA.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet