Shillong, Naitung 6: U bah Martile Mukhim EM ba dei peit ia ki kam pynroi hapoh jong ka KHADC haba jubab ia ka jingkylli u bah Carnes Sohshang ha kaba ia ei bad ka jingiarap ia ki skul na ka District Council la ong ba ka jingiarap kan shong ha ka jingdon ka pisa.
Hab juab ia ki jingkylli bynrap la ong ba ha ka jingshisha ka skul Primary ka dei ka bynta jong ka District Council hynrei la shim noh da ka sorkar jylla dei hangne ba ka District kam lah shuh ban leh ei ei.
Hynrei ban iarap ia ki skul kiba khlem pat ioh jingiarap na ka sokar ka District Council kala mang T.36,000/- tyngka ban iarap ia kawei ka skul bad na ka bynta kawei ka MDC Konstitwensi ka jigniarap kan long ar tylli ki skul.
Haba ia dei bad ki shnong ki bym don ksul u bah Mukhim u la bthah ia ki MDC jong ka iing dorbar ba kin ai jingkhein sha ka District Council katno tylli ki shnong bym don skul ha ka konstitwensi jong ki.
Ha kawei pat jingkylli kaba la buh da u bah Gabriel Wahlang haba ia dei bad ka tnad pynneh pynsah riti dustur, u bah Victor Ranee la ong ba ka KHADC kala shna ia ka Heritage Village ha Mawphlang bad I mynta la dep ban shna ia ki iing jong ki 11 tylli ki hima bad la bthah ia ki hima ba kin buh ia ki dak ki shin kiba dei ia ka riti dustur jong ka Hima.
Haba jubab ia ka jingylli bynrap jong u bah Charless Marngar , u bah Victor la ong ba haduh mytna ka KHADC kam pat don ia kata ka jingbuh ryntih ia ki shad tynrai jong ki hima bapher bapher , kum ka shad Suk Mynsiem bad kiwei, ka District Council kan sa peit bniah ia kane la ong u bah Victor.
